Ūlybritaniiada Qazaqstan qūqyq qorǧau organdarynan jasyrynǧan Atyrau oblysynyŋ būrynǧy äkımı Bergei Rysqalievtıŋ soŋynan erıp, Qazaqstan elşılıgınıŋ maŋynda arandatuşylyq josparlaǧan degen adamdar sottaldy. Būl turaly BBC jazdy, dep habarlaidy “Adyrna”.
«Barlau jelısı Reseidıŋ paidasyna aqparat jinaǧan jäne memleket qauıpsızdıgıne qauıp töndırgen», – dedı Londondaǧy Old-Beili sotynda sudia Hilliard.
Būl mälımdemenı sudia alty aiyptaluşyǧa ükım şyǧaru aldynda aitty. Aiyptaluşylardyŋ barlyǧy - Bolgariia azamattary. Ol sottalǧandar jazasyn ötegennen keiın elden deportasiialanatynyn da atap öttı.
Sot ükım şyǧaru barysynda aiyptauǧa negız bolǧan alty arnaiy operasiia turaly egjei-tegjeilı mälımetter tyŋdaldy – olardyŋ arasynda ūrlau äreketı jäne jalǧan narazylyq aksiiasyn ūiymdastyru äreketı de bar.
«Toptyŋ boljaldy ūiymdastyruşysy Orlin Rusev tergeu kezınde «Djeims Bond stilındegı» äreketterge qatysy baryn joqqa şyǧardy. Alaida sotta onyŋ 33 bölmelı būrynǧy qonaqüiınde baqylau jürgızuge arnalǧan orasan zor kölemdegı qūral-jabdyqtar tabylǧany jönınde dälelder keltırıldı.
Şpiondyq jelı müşelerıne şyǧarylǧan ükımder 10 jyl 8 aidan 5 jyl 3 aptaǧa deiıngı merzımdı qūraidy.
Öz kezegınde London polisiiasy būl ükımder «önerkäsıp auqymyndaǧy şpionajdyŋ» bar ekenın rastaitynyn jäne būl toptyŋ Ūlybritaniia üşın qanşalyqty «qaterlı qauıp» töndırgenın körsetetının mälımdedı.
Eske salsaq, Bergei Rysqaliev 2006-2012 jyldary Atyrau qalasy men Atyrau oblysynyŋ äkımı qyzmetın atqarǧan. 2013 jyly eks-äkımge "asa ırı kölemdegı biudjet qarjysyn jymqyrdy jäne jäne qylmystyq top qūrdy" degen aiyp taǧylǧan. Tergeu bes jylǧa sozylyp, 2019 jyly Qazaqstan soty Bergei Rysqalievtı - 17 jylǧa, aǧasy Armanjan Rysqalievtı 16 jylǧa syrttai sottaǧan. Olardyŋ qūny milliardtaǧan teŋge tūratyn dünie-mülkın tärkılegen.
Alaida 2020 jyly jazda Qazaqstan soty Bergei Rysqalievtıŋ otbasy men jaqyndarynan tärkılengen mülıktıŋ "bır bölıgın" qaitaru turaly şeşım şyǧarǧan. Rysqalievtıŋ mülkın qaitaru turaly kassasiialyq şaǧymdy Qazaqstan Bas prokuraturasy tüsırıp, oǧan Joǧarǧy sottyŋ tez kelıskenı qoǧam nazaryn audarǧan.
