Túrkistan oblysynda úsh kún buryn joǵalǵan qyzdyń máıiti tabyldy, dep habarlaıdy "Adyrna" ulttyq portaly.
Úsh jastaǵy búldirshin Saryaǵash aýdanynda iz-tússiz joǵalǵan edi. Kishkentaı Asylymnyń izim-qaıym joǵalǵanyn jýrnalıst Gúlmıra Ábiqaı málimdegen bolatyn. 18 mamyr kúni jýrnalıst qyzdyń óli tabylǵanyn jazdy.
Derekterge saı oqıǵa Saryaǵash aýdany Sirgeli aýylynda oryn alǵan. Búldirshin tańǵy asty iship bolǵan soń joǵalǵan. Keıin qyzdy aýyl bolyp úsh kún boıy izdegen. Sirgelidegi barlyq qudyq, dárethana, qubyrlar sorǵyzylyp qaralǵan. Biraq úsh jasar búldirshinniń denesi qarama-qarsy kórshi úıdiń dárethanasynan tabyldy.
“Búkil el ýaıymdap, din-aman tabylýyna tilekshi bolyp edik. Átteń ǵajaıyp bolmady. Qaıǵy jutqan Asylymnyń ata-anasyna, týystaryna, barsha qazaq eline kóńil aıtamyn. Jatqan jeriń peıish bolsyn, perishte. Aıaǵy shyqqan, biraq es bilmeıtin balalaryńyzdy kózden tasa qaldyrmańyzshy, halaıyq”,- dedi Gúlmıra Ábiqaı ınsta-paraqshasynda.
