Almatyda avtobýs júrgizýshisi men jolaýshy arasynda janjal shyǵyp, qoǵamdyq kólik júrgizýshisi jaraqat aldy, dep habarlaıdy "Adyrna" ulttyq portaly.
Bul týraly Almaty qalalyq polıııasy habarlady.
Oqıǵa 10 mamyr kúni keshki ýaqytta bolǵan. Jandosov kóshesi men Rysqulova dańǵylynyń qıylysynda júrgizýshi №52 avtobýsty jóndep jatqan.
Tergeý derekteri boıynsha, 58 jastaǵy D degen azamat K-men janjaldasyp qalǵan. Artynsha janjal ýshyǵyp, D esimdi azamat K. esimdi 66 jastaǵy avtobýs júrgizýshisine pyshaq jaraqatyn salǵan.
Polıııa ókilderi kúdikti ustalyp, qamaýǵa alynǵanyn málimdedi. Onyń ústinen sýyq qarý qoldaný arqyly buzaqylyq jasaý faktisi boıynsha is qozǵalǵan.
Quqyq qorǵaý organdarynyń ókilderi oqıǵaǵa qatysty qosymsha mán-jaılar anyqtalyp jatqanyn atap ótti.
