Moŋǧoliianyŋ ūly memlekettık huralynyŋ plenarlyq otyrysynda jaŋa premer-ministrdı taǧaiyndau mäselesı qaraldy, dep habarlaidy "Adyrna" ūlttyq portaly.
Premer-ministrdı taǧaiyndau turaly ūsynysty Prezident Uhnaagiin Hurelsuh plenarlyq otyrysta engızdı.
Ol 2024 jylǧy parlamenttık sailauda köpşılık orynǧa ie bolǧan Moŋǧol halyq partiiasy 2026 jylǧy 29 nauryzda Niam-Osoryn Uchraldyŋ kandidaturasyn premer-ministr qyzmetıne ūsynǧanyn atap ötıp, onyŋ qysqaşa ömırbaianyn tanystyrdy.
Memleket basşysy N. Uchraldyŋ 2010 jyldan berı memlekettık bilıktıŋ saiasi, zaŋ şyǧaruşy jäne atqaruşy organdarynda jūmys täjıribesı bar ekenın aityp, onyŋ joǧary memlekettık qyzmettı atqara alatynyna tolyq senım bıldırdı.
Ūly memlekettık huraldyŋ memlekettık qūrylys jönındegı tūraqty komitetınıŋ töraǧasy S. Sandag-Ochir atalǧan ūsynysty komitet otyrysynda talqylau qorytyndysy boiynşa äzırlengen qorytyndyny tanystyrdy.
Prezidenttıŋ ūsynysy men tūraqty komitettıŋ qorytyndysyna bailanysty VGH deputattary N. Uchralǧa sūraqtar qoiyp, olarǧa jauap berdı. Sondai-aq deputattar qyzmetke kırıskennen keiın qaraluy tiıs mäseleler boiynşa ūsynystar men pıkırler bıldırdı.
Otyrys barysynda demokratiialyq partiianyŋ parlamenttık fraksiiasynyŋ töraǧasy O. Sogtgerel qaralyp jatqan mäselelerge bailanysty bır kündık üzılıs sūrady. Alaida ükımettı jedel qalyptastyru jäne memlekettık basqarudyŋ tūraqtylyǧyn qamtamasyz etu qajettılıgı eskerılıp, bır saǧattyq üzılıs jariialandy.
Üzılısten keiın plenarlyq otyrys jalǧasyp, deputattar qosymşa sūraqtar qoidy. Soŋynda dauys beru ötıp, onyŋ nätijesı boiynşa N. Uchral köpşılık dauyspen Moŋǧoliianyŋ 35-şı premer-ministrı bolyp sailandy.
