Qaraǧandylyqtar "Taza Qazaqstan" respublikalyq ekoaksiiasyna belsendı qatysyp jatyr. Ötken senbılıkterde olar 5 myŋ tonnadan astam qoqys jinady. Mereke künı, 7 mamyrda 100-den astam adam Būqpa özenınıŋ aumaǧyn tazartuǧa kırıstı.
Qatysuşylar qatarynda ekologiialyq qozǧalystyŋ erıktılerı, qala jastary jäne jergılıktı atqaruşy organdardyŋ ökılderı bar.
Olar bırlesıp özen arnasynyŋ bır bölıgın tazalap, 300 qap qoqys jinady.
– Bügın Būqpa özenın tazartu boiynşa ülken jūmys atqaryldy, bolaşaqta bız ony jalǧastyramyz. Sondai-aq, bır ai boiy jalǧasatyn "Taza Qazaqstan" aksiiasy barysynda 5000 tonnadan astam qoqys jinalǧanyn atap ötkım keledı. Senbılıkke qalanyŋ 10 myŋǧa juyq tūrǧyny qatysty, – dedı Qazybek bi atyndaǧy audan äkımınıŋ orynbasary Rinat Qarjasbaev.
Ekologiialyq erıktıler qozǧalysynyŋ jetekşısı Rahat Raiymbekov qaraǧandylyqtardy su resurstaryna ūqypty qarauǧa, özender men su aidyndaryn lastamauǧa şaqyrdy.
– Taza su – bızdıŋ ortaq bailyǧymyz, ony qorǧau qajet, – deidı Rahat Raiymbekov. – Özender men kölderdı taza ūstai otyryp, bız adamdardyŋ densaulyǧy men äl-auqatyna qamqorlyq jasaimyz. Bızdıŋ ärqaisymyz qalany osyndai aksiialarǧa qatysu arqyly qoqyssyz jäne taza ete alamyz. Qaraǧandy üşın taza tırşılık närı – "Möldır būlaq" qūraiyq!
Esterıŋızge sala keteiık, "Taza Qazaqstan" ekoaksiiasynyŋ besınşı aptasy "Möldır būlaq" dep atalyp, būlaqtardy, özender men kölderdıŋ jaǧalau aimaqtaryn tazartuǧa arnalǧan.
