Qaraǵandylyq prokýrorlar 400-den astam azamattyń úı kezeginde zańsyz turǵanyn anyqtady. Bul týraly Qazaqstan arnasy jarııalady, dep habarlaıdy “Adyrna” ulttyq portaly.
Málimetke sáıkes, turǵyn úıge muqtaj retinde kezekte turǵan 33 myń azamattyń 454-i memleketten baspana berilýi tıis topqa jatpaıdy. Barlyǵy kezekten alyndy.
Sonymen qatar turǵylyqty aýdany zań talaptaryna sáıkes kelmeıtin páterler anyqtalǵan. Taǵy ıesi joq 78 páterdi kommýnaldyq menshikke qabyldaý sharalary júrgizilip jatyr. Azamattardyń jalǵa berilgen turǵyn úılerge tólemder boıynsha qaryzdary 20 mıllıon teńgege jetken. Qazir bul boıynsha sotqa talap-aryzdar berildi.
«50 adamǵa zań talaptaryna sáıkes kelmeıtin páterler berilgen. Iesiz 78 turǵyn úıdi kommýnaldyq menshikke qabyldaý sharalary júrgizilýde. Aqtoǵaı aýdanynda muqtaj azamattarǵa jaǵdaıy órt jáne sanıtarlyq qaýipsizdik talaptaryna sáıkes kelmeıtin 4 turǵyn úı satyp alynǵan. Osy aýdanda elektr qýatyna qosylmaǵan 2 turǵyn úı satyp alynǵan. Shahtınsk qalasynda turǵyn úıdi jalǵa berý shartyn zańdy dep taný týraly jalǵan sot sheshiminiń negizinde páterdi jekeshelendirip alǵan. Qazir qylmystyq kodekstiń 190-baby boıynsha sotqa deıingi tergeý bastaldy», - dedi oblystyq prokýratýranyń qoǵamdyq múddelerdi qorǵaý basqarmasynyń aǵa prokýrory Erlan Túsipov.
