Qaraǧandylyq prokurorlar 400-den astam azamattyŋ üi kezegınde zaŋsyz tūrǧanyn anyqtady. Būl turaly Qazaqstan arnasy jariialady, dep habarlaidy “Adyrna” ūlttyq portaly.
Mälımetke säikes, tūrǧyn üige mūqtaj retınde kezekte tūrǧan 33 myŋ azamattyŋ 454-ı memleketten baspana berıluı tiıs topqa jatpaidy. Barlyǧy kezekten alyndy.
Sonymen qatar tūrǧylyqty audany zaŋ talaptaryna säikes kelmeitın päterler anyqtalǧan. Taǧy iesı joq 78 päterdı kommunaldyq menşıkke qabyldau şaralary jürgızılıp jatyr. Azamattardyŋ jalǧa berılgen tūrǧyn üilerge tölemder boiynşa qaryzdary 20 million teŋgege jetken. Qazır būl boiynşa sotqa talap-aryzdar berıldı.
«50 adamǧa zaŋ talaptaryna säikes kelmeitın päterler berılgen. İesız 78 tūrǧyn üidı kommunaldyq menşıkke qabyldau şaralary jürgızılude. Aqtoǧai audanynda mūqtaj azamattarǧa jaǧdaiy ört jäne sanitarlyq qauıpsızdık talaptaryna säikes kelmeitın 4 tūrǧyn üi satyp alynǧan. Osy audanda elektr quatyna qosylmaǧan 2 tūrǧyn üi satyp alynǧan. Şahtinsk qalasynda tūrǧyn üidı jalǧa beru şartyn zaŋdy dep tanu turaly jalǧan sot şeşımınıŋ negızınde päterdı jekeşelendırıp alǧan. Qazır qylmystyq kodekstıŋ 190-baby boiynşa sotqa deiıngı tergeu bastaldy», - dedı oblystyq prokuraturanyŋ qoǧamdyq müddelerdı qorǧau basqarmasynyŋ aǧa prokurory Erlan Tüsıpov.
Ūqsas jaŋalyqtar
