Qaraǧandy äkımdıgınıŋ qoldauymen «Taza Qazaqstan» respublikalyq ekologiialyq aksiiasy aiasynda qalada Qūrylysşylar daŋǧylynyŋ 5 şaqyrymynan astam – Mūqanov köşesınen Şahterler daŋǧylyna deiıngı uchaskesınde sanitarlyq tazartu nauqany öttı.
Būl bastama 100-den astam qaraǧandylyqtardy bırıktırdı: erıktıler, jeke ūiymdardyŋ qyzmetkerlerı, kommunaldyq qyzmetterdıŋ qyzmetkerlerı, jūrtşylyq ökılderı jäne jai ǧana janaşyr tūrǧyndar.
Aksiiaǧa qatysuşylar qoqysty, japyraqtardy, būtaqtardy jinap, trotuarlar men jol jiekterın qysta jinalǧan qoqystan tazartty.
– Bız «Taza Qazaqstan» bastamasyn belsendı türde qoldaimyz, öitkenı tazalyq pen abattandyru – būl kommunaldyq qyzmetterdıŋ ǧana emes, är tūrǧynnyŋ jauapkerşılıgı. Bügıngı aksiia qaraǧandylyqtardyŋ ortaq ıs üşın bırıguge daiyn ekenın körsettı. Mūndai ıs-şaralar qoǧamda qorşaǧan ortaǧa qamqorlyq jasau mädenietın qalyptastyrady jäne azamattyq jauapkerşılıktı tärbieleidı dep senemın, – dep esepteidı eko erıktı Zanǧar Serıkov.
Ekologiialyq aksiialar qala köşelerınıŋ sanitarlyq jaǧdaiyn jaqsartyp qana qoimai, qoǧamnyŋ bırıguıne jäne erıktıler qozǧalysynyŋ damuyna yqpal etedı.
