Aron Atabek 25 kúnnen beri aýrýhanada jatyr. Qaryndasy onyń jaǵdaıy aýyr ekenin málimdedi, dep habarlaıdy “Adyrna” ulttyq portaly Azattyq radıosyna silteme jasap.
– Jaǵdaıy bir qalypty. Áli reanımaııada jatyr. Áli komada. Kishkene oıanady, biraq jaǵdaıy jaqsarmaı jatyr. Dárigerler jaǵdaıy birqalypty aýyr dedi. Ony jaqynda nevropatolog, neırohırýrg qaraǵan. Bulshyqeti joq. Qanshama belok quıyp jatyr. Sińbeıdi. Salmaq qospaı jatyr. Áli trýbka arqyly tamaq ishedi. Tamyr arqyly quıylady. Ábden óleıin dep qalǵan kezde bosatyp otyr ǵoı. Koronavırýsy azaıǵan deıdi, biraq ókpesin túsirý úshin basqa jaqqa aýystyrý kerek eken, sebebi klınıkada ondaı qurylǵy joq. Jasandy tynys apparatymen demalyp jatyr. Ony alyp tastasa, birden tynysy taryla bastaıdy. Qan qysymy tómendep ketedi, – dedi Rázııa Nutysheva.
Oǵan týystaryn áli jibermeıdi. Jaqyndary tek dárigerlerge habarlasyp, Aron Atabektiń jaǵdaıyn bilip otyr.
Bıyl 1 qazanda Pavlodar soty 2006 jylǵy "Shańyraq oqıǵasynan" keıin 18 jylǵa sottalǵan Aron Atabektiń qalǵan jaza merzimin bostandyǵyn shekteý jazasyna aýystyryp, aqyndy "densaýlyq jaǵdaıyna baılanysty" túrmeden shyǵarǵan.
Aron Atabek bostandyqqa shyqqan soń Azattyqqa suhbat berip, 21 qyrkúıekte oqys qulap, basyn jarǵanyn, sodan keıin Pavlodar aýrýhanasynda on kún kisendeýli kúıi tósekke tanylyp jatqanyn málimdegen.
Uzaq jyldardan beri ózin tolyq aqtaýdy talap etken dıssıdent aqyn bıliktiń ózine bildirtpeı, Pavlodardaǵy aýrýhanadan tikeleı áýejaıǵa aparyp, Almatyǵa baratyn ushaqqa salyp jibergenin aıtqan.
Bostandyqqa shyqqannan keıin týystary Aron Atabektiń hali nasharlap Almatydaǵy aýrýhanaǵa jetkizilgenin, biraq onyń aýrýhanaǵa jatýdan bas tartqanyn habarlaǵan. Ol osyǵan deıin probaııa baqylaýynda bolǵan kezde turatyn mekeni retinde belgilengen Almatydaǵy qaryndasynyń úıinde turǵan.
“Adyrna” ulttyq portaly
