Amerikalyq Forbes jurnaly älemdegı eŋ bai adamdardyŋ reitingın jariialady. Tızımge alty qazaqstandyq kırdı, dep habarlaidy “Adyrna” ūlttyq portaly.
Tızım boiynşa, 511-orynda Kaspi.kz aksionerı jäne direktorlar keŋesınıŋ töraǧasy – Viacheslav Kim tūr. Onyŋ aktivterı 5,8 mlrd dollarǧa baǧalanǧan.
Odan keiın 612-oryn Timur men Dinara Qūlybaevtarǧa tiesılı. Olardyŋ ärqaisysynyŋ bailyǧy 5 mlrd dollardy qūraidy.
Al 896-oryn būǧan deiın eldegı eŋ auqatty adam sanalyp kelgen Vladimir Kimge būiyrǧan. Käsıpker «Qazaqmys korporasiiasy» JŞS-nıŋ negızgı iesı.
Forbes deregınşe onyŋ bailyǧy 3,6 mlrd dollardy qūraidy.
Eŋ baquatty qazaqstandyqtardyŋ qatarynda 36 jastaǧy Timur Turlov bar. Forbes jurnalynyŋ naqty uaqyt rejimındegı milliarderler reitingınde ol 3,3 mlrd dollar bailyǧymen 991-orynda tūr. Biznesmen Freedom Holding Corp investisiialyq tobynyŋ negızın qalauşy jäne negızgı iesı.
Eŋ bai qazaqstandyqtar tızımın 1238-orynda tūrǧan Bolat Ötemūratov qorytyndylady. Jurnal onyŋ bailyǧyn 2,7 mlrd dollarǧa baǧalady. Ol «ForteBank» AQ 89,32% aksiiasyna ie. Būdan basqa qonaqüiler jelısı, fast-fud jelısı syndy aktivterı bar.
Qazaqstandaǧy top-10 bai adam:
1. Viacheslav Kim 5,8 milliard dollar;
2. Timur Qūlybaev $5 mlrd;
3. Dinara Qūlybaeva $5 mlrd;
4. Vladimir Kim 3,6 milliard dollar;
5. Timur Turlov 3,3 milliard dollar;
6. Bolat Ötemūratov $2,7 mlrd;
7. İbragimovtar otbasy $1,5 mlrd;
8. Nūrlan Smaǧūlov 980 million dollar;
9. Särsenovter otbasy 970 million dollar;
10. Arsen Tomskii 920 million dollar (jaŋadan kelgen, InDriver negızın qalauşy).
