Astanada Qýandyq Bıshimbaev pen Baqytjan Baıjanovqa qatysty qylmystyq is boıynsha sot otyrysy ótýde. Búgin sottalýshylar sońǵy sózin aıtty, dep habarlaıdy “Adyrna” ulttyq portaly.
Aldymen Bıshimbaevqa sóz sóılep, paraqtan sońǵy sózin oqı bastady.
"Qurmetti sot, qurmetti alqabıler, sot otyrysyna qatysýshylar, sońǵy sózimdi aıtatyn kez keldi, keıin meniń taǵdyrymdy ózderińizge sheshýge týra keledi. Sizderge bul jaýpkershilik jeńil emes ekenin túsinemin. Sotty alqabılermen ótkizý meniń tańdaýym boldy. Men úshin bul ońaı tańdaý bolǵan joq, óıtkeni elde bul máselemen tanys bolmaıtyn adam bolmaıtynyn túsindim", - dedi Bıshimbaev.
Bıshimbaev óz sózinde "Saltanattyń ólimin qalamaǵanyn" basa aıtyp, qasaqana adam óltirý boıynsha kinásin moıyndamaıtynyn aıtty.
"Men eshqashan, esh ýaqytta Saltanatqa ólim tilemedim. Men bulaı bolady dep oılamadym. Men kinálimin, biraq qasaqana adam óltirýge emes. Mende jasyrynyp, jaýapkershilikten qashýdyń barlyq múmkindigi boldy, biraq olaı istemedim. Biraq tergeý áleýmettik jeliler men BAQ qysymyna ushyrady. Sotta, materıaldardy zerdeleý kezinde qasaqana adam óltirý joqqa shyǵarylǵanyn kóresizder. Saltanattyń ólimi abaısyzda boldy.
Tekserý nátıjesinde gematoma sebep bolǵanyn kórsetedi. Men ol tamyrdy ádeıi úze almas edim. Onyń bas súıegi bútin, jaraqattary joq", - dedi sottalýshy Bıshimbaev.
