Būǧan deiın Qytaida prank jasap basy dauǧa qalǧan bloger Arujan Aibekovaǧanyŋ üstınen äkımşılık ıs qozǧaldy. Ol kezektı prankı üşın taǧy da polisiia bölımşesıne jetkızıldı. Būl turaly Almaty qalasynyŋ polisiia departamentı mälımdedı, dep habarlaidy “Adyrna”.
Polisiia Qytai men Özbekstande ädepsız prank jasaǧan bloger qyzǧa qatysty tekseru jürgızıp, oǧan ūsaq būzaqylyq faktısı boiynşa ıstı sotqa joldady.
«Atalǧan azamatşa būǧan deiın de osyndai äreketterge jol bergen, sol kezde onymen profilaktikalyq äŋgıme jürgızılgen bolatyn. Alaida, ol tiıstı qorytyndy şyǧarmaǧany baiqalady. Mūndai qylyqtar qoǧamdyq moralǧa qūrmetsızdık tanytady jäne ıs-ärekettıŋ belgılengen normalaryn būzady», - delıngen habarlamada.
Polisiia, qoǧamdyq oryndardaǧy ädepsız, arandatuşylyq nemese adamnyŋ ar-namysyn qorlaityn kez kelgen ıs-äreketke jol berılmeitının jäne zaŋ aiasynda jauapkerşılık qarastyrylatynyn eske saldy.
Aita keteiık, būǧan deiın sol bloger Qytaida da ūqsas prank jasap, qoǧamda qyzu talqy tudyrǧan bolatyn. Sol kezde qūqyq qorǧau organdary onymen profilaktikalyq jūmys jürgızgen edı.
Tıptı keşırım sūraǧan videosyn jariialaǧan. Bıraq tiıstı qorytyndy şyǧarmaǧan ıspettı.
