Ázirbaıjan men Armenııa beıbit kelisimge kelýge daıyn

695
Foto: worldbulletin.net
Foto: worldbulletin.net

Ázirbaıjan Armenııamen qarym-qatynasyn qalypqa keltirgisi keledi jáne beıbit kelisimge qol qoıýǵa daıyn. Bul týraly Ázirbaıjan prezıdenti Ilham Álıev málimdedi, dep habarlaıdy “Adyrna” ulttyq portaly.

Bakýde Lıtva Respýblıkasynyń Prezıdenti Gıtanas Naýsedamen kezdesýinde Álıev Ázirbaıjan tarapynyń arazdyq betin burýǵa nıetti ekenin basa aıtty.

«Biz aımaqtaǵy jaǵdaıdy, Ázirbaıjan men Armenııa arasyndaǵy qarym-qatynastardy qalypqa keltirý úderisin keńinen talqyladyq. Ázirbaıjannan keıin prezıdent Armenııaǵa baratynyn bilemin. Osy sapar aıaqtalǵannan keıin naqty sheshim óabyldanatynyna senimdimin. Biraq bizdiń ustanymymyz aıqyn. Biz Armenııamen bitimgershilik kelisimge qol qoıǵymyz keledi», — dedi Álıev.

Buǵan deıin Armenııa premer-mınıstri Nıkol Pashınıan da el parlamentiniń otyrysynda Ázirbaıjanmen tez arada beıbit kelisimge qol qoıýǵa nıetti ekenin málimdegen.

Adyrna” ulttyq portaly

Pikirler
Uqsas jańalyqtar