Qajylyq saparyn oryndaý úshin arnaıy vıza qajettigi aıtyldy, dep habarlaıdy “Adyrna” ulttyq portaly Qazaqstan musylmandary dinı basqarmasynyń resmı málimdemesine siltep.
2024 jyly 24 sáýirde Saýd Arabııasy Koroldiginiń Joǵary ǵulamalar komıtetiniń otyrysynda kelesi pátýa qabyldandy:
«Qajylyq vızasyn alý mindetti, sondyqtan qajylyq vızasynsyz barǵan adam zańsyzdyqqa barady. Óıtkeni zańsyz kelý saldarynan qajylardyń sany shekten tys kóp bolyp, qaýipsizdigine nuqsan keltirilip, qajylardyń quqyǵy buzylyp, jurttyń da múddesi aıaq asty bolady», – delingen habarlamada.
Sondaı-aq QMDB janyndaǵy Ǵulamalar keńesiniń sheshimi boıynsha qajylyqqa tek qajylyq vızasymen jáne zańdy jolmen barý – mindet. Ruqsat qujatyn burmalaýǵa tyıym salynady. Múftııat qajylyq vızasynsyz (týrıstik, stýdenttik, jumys t.b.) qajylyq jasaý – kúná bolyp tabylatyndyǵy jóninde shyǵarǵan arnaıy pátýasy bar ekendigin de eske saldy.
