QMDB halyqqa úndeý jasady: «Ekpe saldyrýǵa úndeımiz»

1553

Qazaqstan Musylmandary Dinı basqarmasy (QMDB) koronavırýsqa qarsy ekpe salýǵa qatysty málimdeme jasady, dep habarlaıdy «Adyrna» ulttyq portaly.

«Qurmetti otandastar!

Islam dininde adamnyń ómiri men densaýlyǵynan asqan qundylyq joq. Sondyqtan árbir adam óz densaýlyǵyna asa mán berýi qajet.

Alla Taǵala «Baqara» súresiniń 195-aıatynda: «Ózderińdi óz qoldaryńmen qaýip-qaterge salmańdar», – dep buıyrǵan.

Alla Elshisi (oǵan Allanyń salaýaty men sálemi bolsyn): «Emdelińder, rasynda Alla árbir dertti shıpasymen qosa jaratty», – degen.

Dana halqymyz: «Aýyryp em izdegenshe, aýyrmaıtyn jol izde», – dep shıpa izdeýge úndegen. Sol úshin kez kelgen adam emdelýdiń jáne aýrýdyń aldyn alý joldaryn qarastyrýy tıis.

Arnaıy medıına mamandary qazirgi tańda álemge qaýip tóndirgen koronavırýs indetiniń aldyn alý úshin vakınaııalaýdyń adam densaýlyǵyn saqtap qalýdyń qaýipsiz jáne tıimdi ádis ekenin aıtýda.

Al sharıǵat boıynsha zárý jaǵdaıda ekpe salýǵa bolady. Alaıda ekpe saldyrý – ár azamattyń óz erki.

Ózderińizge belgili, álemde jáne elimizde pandemııalyq jaǵdaı kún saıyn kúrdelenýde. Juqpaly dertten bir otbasynda birneshe adam jan tapsyrýda. Bul jaǵdaı ekpe saldyrýǵa qatysty oń sheshim qabyldaý qajettigin kórsetip otyr. Osy rette halyqty barynsha saqtanyp, densaýlyǵymyz ben ómirimizdi saqtap qalý úshin ekpe saldyrýǵa úndeımiz.

Alla Taǵala halqymyzdy juqpaly indetten saqtap, naýqas jandarǵa shıpa násip etsin! Ámın!», - delingen QMDB resmı saıtynda.

"Adyrna" ulttyq portaly

Pikirler
Uqsas jańalyqtar