Qyzyljarda synyptastaryn baltalamaq bolǵan oqýshynyń taǵy oǵash áreketi anyqtaldy

3101
Adyrna.kz Telegram
Aıbalta. Aq masqa. Pyshaq. Qyzyljarda "aıbaltasyn" arqalap, mektepke shabýyldaǵan oqýshynyń taǵy oǵan áreketi anyqtaldy. Ol synyptastaryna birneshe kún buryn telefon arqyly qoqan-loqqy kórsetip, qorqytqan. Ata-analar aıbaltasyn ala júgiretin oqýshynyń bul áreketi týraly áleýmettik jelide jazba jarııalady, dep habarlaıdy "Adyrna" ulttyq portaly. 
Ata-analardyń aıtýynsha, balta arqalaǵan bala birneshe kún buryn bir oqýshynyń ústine qasaqana shaı tógedi. Ótken beısenbide synyptastaryna aq maskanyń fotosyn jiberip, ses kórsetken. Úsh kún ótkende dál sol maskany kıip, oqýshylarǵa baltamen shabýyl jasaǵan.
Qazir de qaýip-qater seıilmeı tur. Aıbalta aq maska mektep oqýshylarynyń qorqynyshyna aıtaldy. Ata-analardyń degbiri qashqan.

"Ol oqýshyǵa eshkim soqtyqqan emes. Óz betinshe júretin. Balalarǵa telefonmen qoıyrtpaq nárselerdi jibergennen-aq jaýapty tulǵalar ony jiti nazarǵa alý kerek edi. Ata-analar aqyl esi saý ózge balalardy bólek oqytý kerek dep esepteıdi. Qazir balalarymyzdy mektepke jiberýge qorqyp otyrmyz", dedi ata-ana ókili Nadejda Shýshemoına.

Mektep ákimshiligi men quzyrly basqarmalar atalmysh iske qatysty tergeý júrip jatqandyqtan, ázirshe qandaı da bir aqparat bere almaıtynyn málimdedi.
"Adyrna" ulttyq portaly
Pikirler