Qazaqstannyŋ bır oblysyn şet memlekettıŋ paidasyna beredı degen jalǧan material äleumettık jelıde jeldei esken bolatyn. Atalǧan jaitqa qatysty elımızdıŋ Bas Prokuraturasy resmi tüsınık berdı, dep habarlaidy “Adyrna” ūlttyq portaly.
«Anonimdı telegram arnalardyŋ bırınde Qazaqstannyŋ bır oblysyn basqa eldıŋ paidasyna ielıkten şyǧaru turaly ündeu qamtylǧan arandatuşylyq material jariialandy. Materialdyŋ avtory anyqtaldy. Ol Qazaqstanǧa kelgen şeteldıkterdıŋ qataryna jatpaidy. Qazırgı uaqytta alys şeteldıŋ bırınde tūrady. Būl syrttan baǧyttalǧan josparly jäne maqsatty aksiia. Onyŋ nysany - Qazaqstandaǧy jaǧdaidy tūraqsyzdandyru», - dedı QR Prokuraturasynyŋ ökılı Serık Ädılkenūly.Sondai-aq, ol jelıde jariialanǧan materialdyŋ mazmūny jalǧan aqparat taratyp, ūlttyq arazdyqty qozdyru maqsatyn közdeitının aitty
«Materialda körsetılgen äreketter QR Qylmystyq kodeksınıŋ 174-ı, 180-ı jäne 274-ı baby boiynşa qylmystyq jauapkerşılık pen jazaǧa äkelıp soǧady. Atalǧan separatistık şaqyrular faktısı boiynşa 5 jyldan 10 jylǧa deiın bas bostandyǧynan aiyrudy közdeitın QR Qylmystyq kodeksınıŋ 180-ı babynyŋ 2-bölıgı boiynşa qylmystyq ıs qozǧaldy. Osyǧan bailanysty azamattardy arandatuşylyqqa berılmeuge şaqyramyz. Osy sekıldı materialdar men ündeulerdı jariialap, taratuşylar qataŋ qylmystyq jauapkerşılıkke tartylatynyn nazarǧa salamyz», - deidı ol.
Ūqsas jaŋalyqtar
