Sarapshy aldaǵy eki aptada 1 dollardyń teńgege shaqqandaǵy naqty baǵamyna qatysty boljamyn da jarııa etti.
Halyqaralyq naryqtaǵy dollar baǵamynyń álsireýine qatysty otandyq ekonomıst Arman Baıǵanov óz boljamyn jarııalady. Ol halyqaralyq naryqta munaı baǵasynyń áli de qymbattaıtynyn aıtyp, Instagram paraqshasynda jazba jarııalady dep habarlaıdy Zakon.kz.
Sarapshy atap ótkendeı, keshegi AQSh Federaldyq rezerv júıesi basshysynyń málimdemesinen soń amerıkalyq valıýta basqalaryna shaqqanda áldeqaıda arzandady. Al bul óz kezeginde Federaldyq rezerv júıesi kelesi jıynda bazalyq syıaqy mólsherlemesin tómendetetinin de jarııalap qalady dep boljam jasaýǵa negiz bolýda.
Oǵan qosa, AQSh munaı óndirisin qysqartyp jatyr. Bul munaıdyń baǵasynyń ósimine áser etetin jaıt. OPEK+ elderi ózara kelisimdi taǵy 9 aıǵa shegerdi, Reseıde de tehnogendik sebepke baılanysty munaı óndirisi shekteldi. Osynyń bári munaı baǵasynyń ósýine ákep soǵatyny sózsiz.
- Osy faktorlardyń barlyǵy jáne Iran tóńiregindegi shıelenis jaqyn bolashaqta munaıdyń bir barrelin 70 dollarǵa kóteredi. Biraq ulttyq valıýtany 380 teńgeden ári tómen deńgeıde nyǵaıtýǵa eshqandaı sebep-saldardy kórip turǵanym joq. Kerisinshe, bıyl memleket áleýmettik baǵdarlamalarǵa artyǵymen shyǵyndanyp qoıdy. Mine, osy jaıttardy eskere otyryp, aldaǵy eki apta ishinde 1 dollardyń quny bizde 382-386 teńge aralaǵynda bolady dep boljam jasaýǵa bolady, – dep jazdy Arman Baıǵanov.
"Adyrna" ulttyq portaly
