Qazaqstanda audandar men oblystyq maŋyzy bar qalalardyŋ äkımderı tıkelei sailau arqyly ǧana sailanady. Būl turaly Memleket basşysy Qasym-Jomart Toqaev Qazaqstan halqyna Joldauynda dep mälımdedı, dep habarlaidy “Adyrna” ūlttyq portaly.
"Azamattarymyzdyŋ soŋǧy jyldardaǧy taǧy bır talaby – äkımderdı tıkelei sailau jüiesın engızu. Būl talap ta oryndaldy.
Auyl äkımderın tıkelei sailau jüiesı 2021 jyly engızıldı. Sodan berı 2,5 myŋǧa juyq äkım sailandy. Būl – barşa auyl äkımderınıŋ 90 paiyzǧa juyǧy degen söz. Qalǧandary äkımnıŋ ökılettık merzımı aiaqtalǧan kezde öz retımen sailana beredı. Jaŋa äkımderdıŋ 60 paiyzy būryn memlekettık qyzmette jūmys ıstemegen. Olardyŋ arasynda ärtürlı käsıp ielerı, türlı partiia ökılderı bar. Ortaşa jasy – 46 jas. Bır sözben aitsaq, halyq özı taŋdaǧan äkımderdıŋ qūramy edäuır jaŋǧyrdy.
Byltyr küzde alǧaş ret audan jäne oblystyq maŋyzy bar qala äkımderın sailai bastadyq. Barlyq oblysta 45 äkım jaŋa täsılmen sailandy. Bız sailau nätijesın jäne sailanǧan äkımderdıŋ jūmysyn jan-jaqty zerdeledık. Sonyŋ qorytyndysy boiynşa tübegeilı şeşım qabyldadyq. Kelesı jyldan bastap jaŋa jüiege bırjola köşemız. Būdan bylai audan jäne oblystyq maŋyzy bar qalalardyŋ äkımderı tıkelei sailau arqyly ǧana qyzmetke keledı. Äkımderdıŋ ökılettık merzımı aiaqtaluyna qarai iaǧni, rotasiia merzımı jetkende sailau bırtındep ötkızıle beredı. Būl da – saiasi jüienı reformalau ısındegı kezektı maŋyzdy qadam. Saiasi reforma – bır rettık nauqan emes. Memlekettıŋ damuyna qajet bolsa, reformalar osylai üzdıksız jalǧasa beredı", - dedı Qasym-Jomart Toqaev.
Ūqsas jaŋalyqtar
