Almatyda qala ákimi Erbolat Dosaevtyń bastamasymen «Almaty – bizdiń ortaq úıimiz» naýqany jalǵasyp jatyr. Naýqan qala turǵyndary men bıznes qaýymdastyǵyn biriktirdi. Almatylyqtar ǵashyqtar kúnine aǵash otyrǵyzdy, ardagerlerge qamqorlyq jasady, balalar men sport alańdaryn jóndedi, akııa aıasynda qoqystardy tamaqqa aýystyrdy.
«Bizdiń qala – bizdiń aýla, bizdiń úı» dep atalatyn naýqannyń ekinshi aptasynda kóptegen ótinishke baılanysty qala turǵyndarynyń bastamashyl toptarynyń qatysýy úshin oryndar anyqtaldy. Aýdan ákimdikteriniń kómegimen jergilikti turǵyndar balalar men sport alańdaryn jóndep, syrlady, kóppáterli úılerdiń aýlalaryna kóshetter otyrǵyzdy, sondaı-aq jyra, ańǵarlar men ózen arnalaryn qoqystan tazartty. Tazalaýǵa belgili sportshylar, artıster men qoǵam qaıratkerleri atsalysty. Jergilikti qoǵamdastyqtarmen birlesip barlyǵy 3 618 aýla aýmaǵyn tazartty (qalada barlyǵy 4020 aýla).
Qyzyǵýshylyq tanytqan qala turǵyndary ýchaskeler men úı ishilik aýmaqtardy kógaldandyrý úshin 3 myń kóshet aldy, naýqan bastalǵaly barlyǵy 10 myńnan astam japyraqty aǵash otyrǵyzyldy. Qorshaýdy, oryndyqty, besedkany boıaǵysy keletinderge Almaty ákimdigi tarapynan 1,5 myń lıtr lak-boıaý materıaldary berildi.
Qala turǵyndary qarttarǵa kómektesý týraly úndeýden qalys qalmady. «Jaqynyńa járdem ber» akııasy aıasynda belsendi azamattar men eriktiler 98 muqtaj adamǵa, onyń ishinde UOS ardagerlerine, jalǵyz turatyn zeınetkerler men múmkindigi shekteýli jandarǵa kómek kórsetti. Eriktiler óz baqtary men aýlasyn retke keltirdi, aǵashtardy kesýge jáne qoqystardy shyǵarýǵa, jeke úılerdiń qorshaýlaryn qalpyna keltirýge jáne boıaýǵa qatysty.
«Qoqysty kofege/taǵamǵa aıyrbasta» akııasy aıasynda balalar men eresekter 737 kg qaıta óńdeletin shıkizatty (138 kg plastık, 95 kg alıýmınıı, 210 kg makýlatýra, 294 kg shyny) tapsyrdy. Akııa osy jyldyń 8 mamyryna deıin jalǵasady.
Barlyq oqý ornynda «Mektep aýlasynyń oazısi» landshafty dızaın festıvali ótti: balalar 500-den astam aǵash otyrǵyzdy. Sondaı-aq, qalanyń barlyq mektebi qatysatyn «Qoqyssyz mektep» eko-marafony ótip jatyr. «Qustarǵa uıa syılaıyq» mektep chellendji aıasynda 1 myńnan astam qus uıasy jasaldy. Olar mektep aýlasynda, saıabaqtar men alańdarda ornatyldy.
JOO stýdent jastarynyń kúshimen (Ál-Farabı atyndaǵy QazUÝ, ETÝ, Abylaı han atyndaǵy QazHQ jáne ÁTÝ, AEjBÝ, Abaı atyndaǵy QazUPÝ, L.B. Goncharov atyndaǵy QazAJI, QBTÝ, AGEÝ) 8 myń sharshy metr aýmaqty kórkeıtip, tazartty.
Jastar jáne eriktiler uıymdarynyń ókilderi 10 ekologııalyq akııany bastady («Áleýmettik sheberhana», «Batareıany tapsyr – topyraqty saqta», «EkoSort: taza qala úshin birge», plastıkalyq, shyny jáne qaǵaz materıaldardy odan ári qaıta óńdeýge berý úshin arnaıy uıymdastyrylǵan pýnktterge bólek jınaý, «Taza oıyndar» aýmaqtardy jarys formatynda tazartý, «Bir qap qoqysty bir keli almaǵa aıyrbasta», «Ómir aǵashy: óz aǵashyńdy otyrǵyz» jáne t.b.).
Jeke kásipkerlik nysandarǵa irgeles aýmaqtardy jınaý boıynsha eko-chellendj bastaldy. Oǵan túrli kásiporyndar, zaýyttar, bazarlar, saýda-oıyn-saýyq ortalyqtary, avtosalondar jáne t. b. qatysty.
Baým toǵaıynda qoqys jınaýmen biriktirilgen plogıng jarysy ótti. Qalanyń 500-den astam sporttyq júgirý qoǵamdastyǵynyń belsendisi naýqanǵa qoldaý kórsetip, súıikti demalys ornyn qoqystan tazartty. «Gúlder» saıabaǵynda alǵash ret jas jubaılar alleıasy ashyldy, onda jas jubaılar japyraqty qaraǵashtyń 30-ǵa jýyq kóshetin otyrǵyzdy.
«Almaty – bizdiń ortaq úıimiz» naýqany bastalǵaly 1 050-den astam aıaldama keshenin, 249 baǵdarsham nysanyn jáne 3580 jol belgisi kótergishterin jýý, 787 konteınerlik alańdy dezınfekııalaý jáne jýý, 720 lıýkti kóterý, 3 248 oryndyq pen 6 450 qoqys jáshikterin syrlaý, sondaı-aq ruqsat etilmegen jarnamany joıý jáne 120 nysannyń aýmaǵyn tazalaý (medıınalyq mekemeler, mektepter, kitaphanalar jáne t.b.). Qalanyń kóshe-jol jelisiniń magıstraldyq kóshelerinde aǵymdaǵy (shuńqyrly) jóndeý jumystary júrgizilýde, búginde 26,5 myń sharshy metrden astam asfaltbeton jabyny jóndeldi.
Almatylyqtar men qala qonaqtary 8 mamyr naýqanynyń sońyna deıin megapolısti kórkeıtýge belsendi qatysa alady. 22-28 sáýir aralyǵynda taýlarda, ózender men sý aıdyndarynyń jaǵalaýlarynda, sondaı-aq qalanyń saıabaqtary men skverlerinde qoqystardan jappaı tazalaý jáne aǵash otyrǵyzý ótedi. Osy kezeńde Almatyda «Taza qasbetter» akııasy bastalady, ol boıynsha kommýnaldyq menshiktiń ákimshilik nysandarynyń, kommerııalyq qurylymdar ǵımarattarynyń jáne turǵyn úılerdiń qasbeti tazartylady.
Tolyq aqparat almaty.kz saıty men Almaty ákimdiginiń áleýmettik jelilerindegi paraqshalarynda jarııalanady. Sondaı-aq, qaladaǵy banner, plakat jáne afıshalardaǵy arnaıy QR-kod arqyly veb-saıtqa kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.
