Almaty ákimdigi «Almaty qala jaryq» kompanııasyn jekeshelendirý týraly sheshim zańsyz dep baǵalady

2848
Adyrna.kz Telegram

Endi kompanııa qalanyń menshigine qaıtarylmaq. Almaty qalasy ákimdigi men Básekelestikti qorǵaý jáne damytý agenttigi «Almaty qala jaryq» ShJQ MKQK-ny kommýnaldyq menshikke qaıtarý boıynsha birlesken jumys júrgizdi, dep habarlaıdy "Adyrna" ulttyq portaly ákimdiktiń saıtyna siltep.

Kásiporyn qalanyń syrtqy jaryqtandyrý júıesin avtomattandyrylǵan jáne ortalyqtandyrylǵan baqylaýyna jaýapty.

2021 jyldyń jeltoqsan aıynyń sońynda sol kezde Almaty qalasynyń ákimi bolǵan Baqytjan Saǵyntaevtyń sheshimimen «Almaty Qala Jaryq» MKK tender arqyly júzege asyryldy. «ABM Group.com» JShS jeńimpaz atandy. Mámile 4,6 mlrd teńgeni qurady, boljamdy quny 14,8 mlrd teńge.

Básekelestikti qorǵaý jáne damytý agenttiginiń Almaty qalasy boıynsha departamenti uıymnyń qaladaǵy syrtqy jaryqtandyrý júıelerin avtomattandyrylǵan ortalyqtandyrylǵan basqarý qyzmetterin kórsetý naryǵynda monopolııalyq jaǵdaıǵa ıe ekenin anyqtady.

«Qazaqstan Respýblıkasynyń memlekettik múlik týraly zańynyń normalaryna sáıkes, naryq sýbektisi bolyp tabylatyn, ústem nemese monopolııalyq jaǵdaıdy ıelenetin uıymdardy jekeshelendirý týraly sheshim qabyldaý el úkimetiniń quzyretine jatady. Osylaısha, Almaty ákimdiginiń «Almaty qala jaryq» jekeshelendirý týraly qaýlysy memlekettik múlik týraly zańnama normalaryna qaıshy keledi jáne básekelestikti shekteıdi», - dep habarlady ákimdik.

Qazirgi qala bıliginiń paıymdaýynsha, «Almaty qala jaryq» jekeshelendirý strategııalyq memlekettik kásiporyndy joǵaltýy múmkin. Sondyqtan Almaty ákimdigi kompanııany jekeshelendirý týraly sheshimniń kúshin joıý sharalaryn qolǵa alýda.

"Adyrna" ulttyq portaly

Pikirler