Torǵaı ózenindegi sý deńgeıiniń kóterilýine baılanysty Nura men Mamyr aýyldaryn sý basty, dep habarlaıdy "Adyrna" tilshisi "Dıapazonǵa" siltep.
Yrǵyz aýdanyndaǵy Mamyr, Nura aýyldaryna Torǵaı ózeninen kelgen sý kirdi. Aýyl turǵyndary men tótenshe jaǵdaılar qyzmetkerleri, jergilikti atqarýshy organ ókilderinen 120-dan astam adam, 7 tehnıka jumyldyrylǵanymen, bóget buzyldy.
"Nura aýylynda qorǵanys bógeti shaıylyp, aýyldy sý basty. Ahýaldy baǵamdaý úshin oblystyq Tótenshe jaǵdaılar departamentiniń bastyǵy Nurǵalı Júnisov Mı-8 tikushaǵymen jetti. Munda aldyn ala 1 100 dana qap jáne 390 tonna ınertti materıal tasymaldanǵan bolatyn. Bul aýyldan 12 jáne 13 sáýir kúnderi 242 adam aldyn ala evakýaııalandy. Olar Yrǵyz aýdanynyń ortalyǵynda uıymdastyrylǵan qaýipsiz orynǵa kóshirildi. Qalǵany týysqandarynyń úıine jetkizildi. Nura aýylynda 112 turǵyn úı bar, 691 adam turady", – dedi Aqtóbe oblysy ákiminiń baspasóz qyzmeti.
