Batys Qazaqstan óńiri sý tasqynynyń ekinshi kezeńine daıyndalyp jatyr, dep habarlaıdy "Adyrna" tilshisi.
Sý tasqyny bastalǵaly oblystan 13 159 adam evakýaııalandy, onyń ishinde 6 myńǵa jýyǵy balalar.
Oblys boıynsha 17 evakýaııalyq pýnktke 1 701 adam ornalasqan. Bul týraly
«Qazirgi ýaqytta sý tasqynynyń ekinshi kezeńine daıyndyq júrgizilýde. Jaǵdaı áli de kúrdeli bolyp qalýda. Sebebi, Reseıdiń Orynbor oblysynan kele jatqan sýlar 17-19 sáýirde oblysqa keledi degen boljam bar. Qazirgi kezde Jaıyq ózenindegi sý deńgeıi 759 sm qurady. Iaǵnı, qaýipti deńgeıge jetip qaldy, ol 850 sm quraıdy. Osyǵan baılanysty 80 km jýyq bóget turǵyzylyp, Jaıyq ózeniniń jaǵasy barynsha nyǵaıtylýda. Qazirgi ýaqytta Aqjaıyq, Bórli, Báıterek, Terekti aýdandary men Oral qalasyn sý basý qaýpi bar», - dedi oblys ákiminiń baspasóz qyzmetiniń basshysy Erhan Tátken Respýblıkalyq aqparattyq shtabta ótken brıfıngte.
Onyń aıtýynsha, sý tasqynynan zardap shekken 677 otbasyǵa 125 mln teńge qarjy tólendi. Sondaı-aq qaıyrymdylyq qorlar, kásipkerler, jeke tulǵalar tarapynan 279 mln teńge kóleminde gýmanıtarlyq kómek kórsetildi.
