Jolaýshylar ushaǵy Oral áýejaıyna qona almady. Bul týraly "Moı gorod" Telegram-arnasyna jarııalady, dep habarlaıly “Adyrna” ulttyq portaly.
Aqparatqa sáıkes, 3 jeltoqsanda aýa raıynyń qolaısyzdyǵyna baılanysty Oralda Oral-Astana reısi keıinge shegerildi. Almaty-Oral ushaǵy Aqtóbedegi qosalqy aerodromǵa qondy. Bul týraly basylymǵa Oral áýejaıynyń baspasóz qyzmeti habarlady.
4 jeltoqsanda Almatydan ushatyn reıs keıinge shegerilgen. Oralǵa kelýdiń boljamdy ýaqyty 16:00. Almatydan keletin taǵy bir reıs eki saǵatqa keshikken. Oral áýejaıynyń baspasóz qyzmeti 3 jeltoqsanda saǵat 18:00-den 4 jeltoqsanda saǵat 04:00-ge deıin kóktaıǵaq bolyp, jańbyr jaýǵanyn túsindirdi.
"Bul ushý qaýipsizdigine teris áser etedi, óıtkeni jaýyn-shashynnan muz paıda bolady. Mundaı jaǵdaılarda áýejaı muzǵa qarsy reagentti paıdalanady. Áýekompanııalar aýa raıy boljamyna jáne yqtımal táýekelderge súıene otyryp, reısterdi oryndaý boıynsha óz betinshe sheshim qabyldaıdy. Tórtinshi jeltoqsanda -3-ten +6 gradýsqa deıingi temperatýranyń kúrt aýysýyna baılanysty tuman qosyldy, bul kórýdi qıyndatady. Áýekompanııalar joǵaryda atalǵan reısterdi keıinge qaldyrý týraly sheshim qabyldady", - dep habarlady Oral áýejaıy.
Oral áýejaıy áýekompanııalardyń jolaýshylarǵa barlyq qajetti kómekti kórsetip jatqanyn atap ótti.
