Oralda ant bergenıne 10 kün bolǧan sarbaz psihikalyq ortalyqtan bır şyqty. Ol 2022 jyldyŋ mausym aiynda äsker qataryna şaqyrylǧan, Oraldaǧy 5517 äskeri bölımıne Aqtöbe oblysynan kelgen. Būl turaly Zakon.kz jariialady, dep habarlaidy “Adyrna” ūlttyq portaly.
Ol şılde aiynyŋ soŋynda ant qabyldap, 10 künnen keiın oblystyq psihonevrologiialyq dispanserge tüsken. Sarbazdyŋ tuystary kelesı künı Oralǧa kelgen.
“Bıreumen töbelesıp qaldy dep oilaimyz. Armanbek özın ol jerden alyp ketuımızdı ötındı. Būǧan deiın attan qūlaǧan, miy şaiqalǧan. Äskerge alyp ketken kezınde tıptı tekseruden de ötpegen eken. Bız ony alyp ketkımız keledı, onyŋ qatty soqqyǧa jyǧylǧanyna senemız, bıraq olar söileskısı kelmeidı”, - deidı jauyngerdıŋ tuysy Toibazar Amanbaev.5517 äskeri bölımınıŋ komandirı qatardaǧy jauynger Armanbek Qairoştyŋ 9 tamyzda feldşerlık punktke barǧanyn aitady. Onyŋ aituynşa, jas jıgıt özıne qol salatyny turaly köpşılıktıŋ közınşe mälımdegen. Komandirı ony feldşerlık punktke äkelıp, akt jasatqan, äskeri polisiia denesınde ūryp-soǧu belgılerınıŋ joqtyǧyn tırkegen. Ūlttyq ūlannyŋ «Batys» öŋırlık qolbasşylyǧynyŋ basşylyǧy 9 tamyzda saptau alaŋynda jıgıttıŋ jönsız mınez-qūlyq tanyta bastaǧanyn aitady.
“Bız ony feldşerlık punktke oqşauladyq, ol jerde bızdıŋ psiholog onymen söilesıp, psihiatrdyŋ keŋesıne jügınu qajettıgın habarlady. Psihiatr sarbazǧa «beiımdeludıŋ būzyluy» diagnozyn qoiyp, aurahanaǧa jatqyzu turaly şeşım qabyldandy. Būl material äskeri polisiiada tırkeldı, qyzmettık tergeu taǧaiyndaldy, olar fizikalyq saraptama jürgızdı. Bız ony psihiatrǧa körsetuge mındettı boldyq. Öitkenı bız mūndai jauapkerşılıktı moinymyzǧa ala almaimyz. Erteŋ qaru alyp jürıp, atys alaŋyna baryp, qūdai saqtasyn, özıne bırdeŋe jasauy mümkın”, - dedı Ūlttyq ūlannyŋ «Batys» öŋırlık qolbasşylyǧy qolbasşysynyŋ orynbasary Baqyt Alazov.Alaida ol diagnozdyŋ aldyn ala qoiylǧanyn atap öttı. Endı sarbaz ekı ai emdeledı, sodan keiın ol äskeri-därıgerlık komissiiaǧa jıberıledı. Komissiia müşelerı onyŋ qyzmetın jalǧastyra alatynyn nemese jalǧastyra almaitynyn şeşedı. Būǧan deiın Ūlttyq ūlan Oral qalasynda 10 äskeri qyzmetşınıŋ psihikalyq ortalyqqa jatqyzylǧany turaly aqparat joqqa şyǧaryldy. Ortalyqta jalǧyz sarbaz jatqany belgılı boldy.
”Adyrna” ūlttyq portaly
Ūqsas jaŋalyqtar
