Aqmola oblysyndaǵy Jabaı ózeninde sý deńgeıi kúrt kóterilip, Atbasar qalasyna sý kirdi. Osyǵan oraı qala ákimi Amanbek Kaljanov óńirde Tótenshe jaǵdaı jarııalap, halyqqa úndeý joldady, dep habarlaıdy ”Adyrna” ulttyq portaly.
Búgin tańǵy beske taıaý topyraqtan jasalǵan damba 6 jerden buzylyp, qyzyl sý yryq bermeı ketken. Birden qalada dabyl júıesi iske qosyldy. 7 ýaqytsha ornalasý pýnkti uıymdastyrylyp, sý basqan úılerdiń turǵyndary evakýaııalanyp jatyr. Birden aýdan ákimi halyqqa úndeý jasap, qaýipti aımaqtaǵy halyqty da jyldam kóshýge shaqyrdy. Sý sorý jumystaryna 400-den astam adam, 100 tehnıka jumyldyrylǵan. Jergilikti deńgeıdegi tótenshe jaǵdaı jarııalandy.
«Jabaı ózenindegi sý deńgeıiniń kúrt kóterilýine baılanysty tańǵy 4:43 shamasynda 6 jer ýchaskesine sý jaıyldy. Saldarynan qalany sý basty. Sý deńgeıi qaýipti 5.95 metrge deıin kóterildi. Áli de kóterilip jatyr. Osyǵan baılanysty sý basatyn aımaq turǵyndaryna qaýipsiz oryndarǵa kóshý usynylady», – dedi ákim.
Ákim turǵyndarǵa arnaıy evakýaııalyq oryndar daıyndalǵanyn aıtty. Sonymen birge sý tasqynynan zardap shekken halyqqa kómek berilip, úıleri qalpyna keltiriletinin jetkizdi.
Óńir ákimdiginiń sońǵy aqparatyna sáıkes sý deńgeıi 6,1 metrge deıin kóterilgen. Qaýipti deńgeı 4,45 metrdi quraıdy.
Aıta keteıik, Atbasardy osymen úshinshi ret sý basýda. Munyń aldynda qala 2014 jyly, 2017 jyly sý astynda qalǵan. Ózen jaǵalaýy mańynda ornalasqan 130-ǵa jýyq úı sýǵa ketken. 100-den astam adam evakýaııalanǵan. Keı turǵyndar úılerinen ketýge kelispegen.
