Aqordada su tasqynymen küreske belsene atsalysqan azamattardy saltanatty türde marapattau räsımı ötkenı habarlandy

Memleket basşysy su tasqynymen küresken azamattardy marapattady, dep habarlaidy “Adyrna” ūlttyq portaly Aqordaǧa sıltep. Prezident Toqaev su tasqyny būryn soŋdy bolmaǧan eŋ joiqyn tabiǧi apat ekenın atap öttı. Elımızde 19 myŋnan astam tūrǧyn üidı su basty. “Syn saǧatta elımız yrysty yntymaǧyn tanytty. Bız tabiǧi apat kezınde jūrt bolyp jūmyldyq. Bırtūtas el ekenımızdı körsettık. Qūtqaruşylar, äskeriler, ışkı ıster organdary men äkımdık qyzmetkerlerı täulık boiy jūmys ıstedı. Olar Otan aldyndaǧy paryzyn mınsız atqardy. Bır sözben, antqa adal boldy”, – dedı Memleket basşysy. Memleket basşysy topan sumen küreske küştık qūrylymdardyŋ 63 myŋnan astam qyzmetkerı atsalysqanyna nazar audardy. Apat kezınde 120 myŋnan astam adam, onyŋ ışınde 40 myŋ bala qauıpsız jerge köşırılgen. ”Būl – qūtqaruşylar men ūşqyştardyŋ qajyrly eŋbegınıŋ nätijesı. Äbış Kekılbaev «Elın süigen azamatqa eŋ ülken qaiǧy – öz halqynyŋ taǧdyrynan tys qalu» dep aitqan. Ūlttyq erıktıler jelısı tabiǧi apat bolǧan sätten bastap erekşe belsendı boldy. 50 myŋnan astam volonter kömek keruenderın ūiymdastyrdy. Olar apat aimaqtaryna azyq-tülık jäne basqa da qajettı zattardy jetkızuge atsalysty. Qazaqstan halqy Assambleiasynyŋ «Jürekten jürekke» aksiiasy ortaq ıske mol septıgın tigızdı”, – dedı Prezident.