Mäjılıstıŋ jalpy otyrysynda «Jaŋa Qazaqstan» deputattyq tobynyŋ müşelerı Bas prokuror Berık Asylovqa «Qasırettı qaŋtar» oqiǧasyna qatysty saual joldady. Būl turaly Baq.kz habarlady, dep jazady "Adyrna" ūlttyq portaly.
Bükıl eldı dür sılkındırgen «Qasırettı qaŋtar» oqiǧasyna 1 jyl boldy. Sol künderı halqymyz būryn-soŋdy bolmaǧan qauıp-qatermen betpe-bet keldı. Memleketımızdıŋ tūtastyǧy men myzǧymas egemendıgıne zor qauıp töndı. Qaŋtar künderı Täuelsızdıktıŋ qadır-qasietın, tynyştyq pen beibıtşılık qanşalyqty maŋyzdy ekenın jan-jüregımızben sezındık, - dedı Mäjılıs deputaty Edıl Jaŋbyrşin.Deputat atap ötkendei, qaŋtardyŋ basy Maŋǧystauda örıs alǧany belgılı. Oqiǧa sūiytylǧan gaz baǧasyn tömendetu kerek degen ūranmen bastaldy. Basynda beibıt türde bastalǧan şerudı arandatuşy toptar paidalanyp, onyŋ soŋy ırı qalalarda tärtıpsızdık pen qaiǧyly oqiǧalarǧa ūlasty.
Töŋkerıs jasauǧa ūmtylǧandardyŋ basynda belgılı saiasi lauazymdaǧy adamdardyŋ bolǧany anyq. Olar satqyndyq jasap, Memleket basşysyna eldegı ahual turaly jalǧan aqparattar berdı. Işten şyqqan jaular, mūqiiat oilastyrylǧan auqymdy operasiiada, käsıbi daiyndyqtan ötken baskeser-sodyrlardy eş tartynbastan paidalandy. Irı şaharymyz aiauly Almaty men keibır qalalarymyzda ūrystar boldy. Eŋ sūmdyǧy ışkı jäne syrtqy jaularymyz bırıge qylmystyq qimyl jasap, bilıkke qarsy qoldarynan kelgenın ıstedı. Olar memlekettık organdarǧa, strategiialyq nysandarǧa, qaru-jaraq dükenderı men bizneske tiesılı ǧimarattarǧa aiausyz şabuyldar ūiymdastyrdy. Şyn mänınde, būl eldık pen memleketımızge töngen asa qauıptı syn-qater edı, - deidı ol.Jyl basynda halyq talabyn eskere kele, qaŋtar qasıretın aşyq talqylau üşın, «Jaŋa Qazaqstan» deputattyq toby Bas prokurorǧa deputattyq saual joldaǧan bolatyn. Ol saualǧa Parlamentte arnaiy jauap berıldı.
Şyndyǧyn aitqanda, Mäjılıs törınde memlekettık töŋkerıske itermelegen oqiǧany mūndai keŋ auqymdy talqylau eşqaşan bolmaǧan. Qūqyq qorǧau organdary tergeu qorytyndylary turaly esep berıp, bärı aşyq aityldy. Sol kezde bırınşı ret qaitys bolǧan 238 adamnyŋ tızımı men 3 myŋnan astam qarudyŋ ūrlanǧany habardar etıldı. Qoǧamdy mazalaǧan sūraqtardy bükpesız qoidyq. Bırıne jauap alsaq, endı keibırıne tergeu amaldarynan soŋ naqty jauap aitylady delındı. Bügınde halyqtyŋ kökeiınde älı de jauaby joq sūraqtar jetkılıktı. Sonymen «Mūny ūiymdastyrǧan kımder, öitkenı barlyq öŋırde bır mezgılde tolqular bastaldy jäne qasköilerdıŋ negızgı maqsaty ne boldy?», «Qaŋtar oqiǧasy qandai zaqymdar men şyǧyndar keltırdı?», «Lauazymdyq mındetterın atqaru kezınde qaitys bolǧan jäne zardap şekken qyzmetkerlerdı äleumettık jaǧynan qorǧau, kezdeisoq qaza bolǧan azamattarymyzdyŋ jaqyndaryna kömek körsetu boiynşa qandai jūmystar jürgızıldı?» – degen saualdar el ışınde aitylyp jür, - dep aitty Jaŋbyrşin.«Jaŋa Qazaqstan» deputattyq tobynyŋ müşelerı bügıngı künı bolǧan oqiǧa boiynşa tolyq tüsınık qajet ekenın aitty.
Eldı ydyratu üşın jasalǧan opasyzdardyŋ jüielı qimyly, qyraǧy daiyndyǧy turaly tek qana boljamdar bar. Aşyǧyn aitsaq, qazır qoǧamda türlı qaueset tarap jatyr. Būl ahual jalǧan tüsınık qalyptastyryp, feik aqparattardyŋ tarauyna zor yqpalyn tigızıp otyr. Sondyqtan qūqyq qorǧau organdarynyŋ tergeu amaldarynyŋ qorytyndysyna süiengen, oqiǧanyŋ bırızdı män-jaiy aşyq aitylyp, onyŋ ädıl baǧasy berıluı kerek dep sanaimyz. Köterılgen mäselenıŋ maŋyzdylyǧyn eskere kele, tiıstı küştık qūrylymdar men memlekettık organdar, jyldyŋ basynda Mäjılıstıŋ alǧaşqy jalpy otyrysyna kelıp, joǧaryda aitylǧan jäne basqa da saualdarǧa bükpesız aşyq jauap beruı qajet. Būl halyqtyŋ talaby, - dedı deputat Edıl Jaŋbyrşin.
"Adyrna" ūlttyq portaly
Ūqsas jaŋalyqtar
