5 mausym künı Özbekstan Bırıkken Arab Ämırlıkterımen ötken şeşuşı oiynda teŋ oinap (0:0), öz tobynda ekınşı oryn alyp, alǧaş ret futboldan älem chempionatyna joldama aldy, dep habarlaidy “Adyrna”.
Özbekstan qūramasy Aziia aimaǧy boiynşa 2026 jylǧy älem chempionatynyŋ ırıkteu kezeŋınde «A» tobynda öner körsettı. 9 match qorytyndysy boiynşa komanda 18 ūpai jinap, tek İranǧa ǧana jol berdı.
Şeşuşı match Bırıkken Arab Ämırlıkterıne qarsy öttı. Oiyn 0:0 esebımen aiaqtaldy. Özbekstan qorǧanysta senımdı oinap, maŋyzdy bır ūpaidy enşıledı. Būl nätijemen olar älem chempionatynyŋ kelesı kezeŋıne tıkelei joldama alyp otyr.
Özbekstan qūramasynyŋ būl jetıstıgı Ortalyq Aziia aimaǧyndaǧy futboldyŋ damyp kele jatqanyn körsettı. Osyǧan deiın Älem chempionatyna negızınen İran, Japoniia, Oŋtüstık Koreia siiaqty alpauyttar qatysyp kelse, endı būl qatarǧa Özbekstan da qosyldy.
2026 jylǧy älem chempionaty AQŞ, Kanada jäne Meksikada ötedı. Özbekstan qūramasy alǧaş ret älemdık arenada baq synap, öz äleuetın körsetuge mümkındık alady.
Ūqsas jaŋalyqtar
