Máskeýde oryn alǵan lańkestik áreketten keıin Franııa terakt qaýpiniń eń joǵary deńgeıin jarııalady, dep habarlaıdy "Adyrna" tilshisi.
Bul týraly eldiń premer-mınıstri Gabrıel Attal X áleýmettik jelisinde jarııalady.
Onyń aıtýynsha, Franııa prezıdenti Emmanýel Makron Elıseı saraıynda eldiń qorǵanys jáne ulttyq qaýipsizdik keńesin shaqyrǵan. Attal kezdesýdiń basty sebebin - 22 naýryzynda Reseıdegi Crocus City Hall konert zalynda bolǵan teraktini atady.
«Islam memleketiniń shabýyl úshin jaýapkershilikti óz moınyna alýyn jáne bizdiń elge tónip turǵan qoqan-loqqylardy eskere otyryp, biz Vıjıpıratty (terrorlyq qaýip-qater týraly ulttyq júıe – red.) eń joǵary deńgeıge – «tótenshe» shabýylǵa daıyndyq deńgeıine kóterý týraly sheshim qabyldadyq», - dedi Attal.
Franııadaǵy Vıgıpırattyń maksımaldy deńgeıine sońǵy qońyraýlardyń biri 2023 jyldyń qazan aıynyń ortasynda Hamastyń Izraılge shabýylynan keıin Taıaý Shyǵystaǵy qaqtyǵystyń kúsheıýine baılanysty «antısemıttik áreketter» jaǵdaıynda boldy.
Saldarynan Parıj Olımpıada oıyndarynyń ashylýynda kórermender sanyn azaıtpaq. Naýryz aıynyń basynda Politico gazeti Makron 26 shildede ótetin Parıjdegi Olımpıada oıyndarynyń ashylý saltanatynda "lańkestik áreketter bolýy múmkin" degen kúdikpen kórermender sanyn qysqartýǵa buıryq bergenin jazdy. Gazettiń habarlaýynsha, sol kezdegi eldiń barlaý qyzmetteri 2024 jylǵy Olımpıada oıyndary kezindegi lańkestik áreketter qaýpin tirkemegen, biraq «ıslam terrorızmine» alańdaýshylyq bildirgen.
Germanııa da lańkestik shabýyldardan saqtanýda. Eldiń ishki ister mınıstri Nensı Fazer Berlınniń Máskeýdegi lańkestik áreketti DAISh-K uıymdastyrdy degen nusqaǵa súıenip otyrǵanyn atap ótti. Fezer Germanııaǵa «eń úlken ıslamdyq qaýip» tóndiretinin atap ótti.
