7 säuırde keşkı saǧat segızdegı jaǧdai boiynşa, Soltüstık Qazaqstan oblysyndaǧy Sergeev su qoimasynyŋ tolymdylyǧy 175 paiyz bolǧan (kölemı - 1213 million tekşe metr). Būl turaly Petropavlovsk.news portaly jariialady, dep habarlaidy “Adyrna” ūlttyq portady.
Su qoimasynyŋ deŋgeiı 1190 santimetr (şegı – 800). Böget töbesınen asyp ketu 390 santimetr (soŋǧy 12 saǧatta 55 santimetr).
Būl 2017 jylǧy tarihi maksimumnan 52 santimetrge artyq, bögetten asyp ketu 338 santimet bolǧan, mūndai Sergeev su qoimasy paidalanuǧa berılgennen berı, iaǧni 1968 jyldan berı baiqalmaǧan.
Sergeev su elektr keşenınen joǧary qarai Esıl salalarynyŋ suy kürt azaia bastaǧan. Būl su tasqyny şegınıŋ senımdı belgısı, dep tüsındıredı basylym. Sondai-aq, Sergeev su qoimasyndaǧy su deŋgeiınıŋ köterıluı jeksenbı tüsten keiın aitarlyqtai baiaulaǧan.
"Endı Sergeev su qoimasy bögetınıŋ tömengı jaǧyndaǧy eldı mekender üşın de, ırı kölder maŋyndaǧy auyldar üşın de qauıptı kezeŋ bastalady: Ülken Toraŋǧyl oianady", - delıngen maqalada.
Sonymen qatar, Memleket basşysy Qasym-Jomart Toqaev Aqmola, Aqtöbe, Qostanai jäne Soltüstık Qazaqstan oblystarynyŋ äkımderımen telefon arqyly söilestı.
Atalǧan oblystardyŋ äkımderı Prezidentke öŋırlerdegı ahual jaiynda, tabiǧi apatpen küresu jäne su tasqynynyŋ zardaptaryn joiu üşın qabyldanǧan şaralar jönınde esep berdı.
Aimaq basşylarynyŋ aituynşa, jalpy jaǧdai jıtı baqylauda, tabiǧi apatpen küresu üşın adam küşı de, tehnika da jetkılıktı.
Prezidenttıŋ tapsyrmasymen Respublikalyq ştabqa jetekşılık etetın Premer-Ministr Oljas Bektenov bastaǧan Ükımet müşelerı su tasqynynan zardap şekken aimaqtarǧa jıberılgen bolatyn. Azamattardyŋ qauıpsızdıgın qamtamasyz etu, olardyŋ kerek-jaraǧyn şeşu baǧytynda auqymdy jūmys atqarylyp jatyr.
Ūqsas jaŋalyqtar
