Foto: Zakon.uz
Özbekstan prezidentı Şavkat Mirziioev su qoimalarynyŋ maŋynda demalys aimaqtaryn ūiymdastyratyn käsıpkerlerge salyqtyq jäne kedendık jeŋıldıkter engızıletının mälımdedı. Memleket basşysynyŋ baspasöz qyzmetınıŋ habarlauynşa, mūndai jobalar investisiia tartuǧa, jaŋa jūmys oryndaryn aşuǧa jäne turister aǧynyn arttyruǧa mümkındık beredı, dep habarlaidy “Adyrna” ūlttyq portaly Fergana agenttıgıne sıltep.
Su aidyndaryn paidalanu joldary da talqylanǧan jiynda qazırgı uaqytta turistık qyzmetter nebärı bes su qoimasynda körsetıletını aityldy. Osyndai jobalardy taǧy 25 nysanda jüzege asyruǧa bolady.
Osyǧan bailanysty bilık käsıpkerlerdı qoldau şaralaryn engızbek. Atap aitqanda, 2029 jylǧy 1 qazanǧa deiın jer jäne mülık salyǧynyŋ mölşerlemelerı ekı ese tömendetıledı. Sondai-aq elge GPS jabdyqtaryn, qūtqaru jäne qorǧanys qūraldaryn äkelu kezınde kedendık tölemderdı 120 künge keiınge qaldyruǧa nemese bölıp töleuge mümkındık berıledı.
Su aidyndary maŋyndaǧy jerlerdı satudan biudjetke tüsetın qarajat syrtqy injenerlık jelıler men jol infraqūrylymyn damytuǧa baǧyttalady.
Demalys aimaqtaryn ūiymdastyru kezınde qauıpsızdık talaptaryn qataŋ saqtau qajettıgıne erekşe nazar audaryldy. Turistık qyzmetterdı sertifikattau, käsıpkerlerdı käsıbi qūtqaru qyzmetterımen kelısımşart jasauǧa mındetteu, sondai-aq baqylau mūnaralary men su qoimalarynyŋ tereŋdıgın körsetetın belgıler ornatu ūsynyldy.
Mamandar su aidyndary maŋynda jergılıktı habarlau jüielerın, beinebaqylaudy, seismologiialyq jabdyqtardy jäne sifrlyq monitoring qūraldaryn keŋınen qoldanu qajet dep esepteidı.
Salalyq vedomstvolar ökılderınıŋ Mirziioevke baiandauynşa, qazırgı uaqytta 56 su qoimasynyŋ tek törteuınde ǧana tolyqqandy qūtqaru qyzmetterı jūmys ısteidı. Prezident būl olqylyqty joiudy tapsyrdy.
Sonymen qatar qūtqaruşy-süŋguırlerdı dualdy oqytu jüiesı arqyly daiarlau, turistık nysandar qyzmetkerlerıne tötenşe jaǧdai kezındegı ıs-qimyldar men alǧaşqy medisinalyq kömek körsetu boiynşa kurstar ūiymdastyru ūsynyldy.
Mirziioev jüienı jaŋǧyrtu kezındegı basty basymdyq adam ömırın saqtap qalu ekenın atap öttı. Osyǧan bailanysty «altyn minut» qaǧidasyn täjıribege engızu jäne qūtqaruşylardyŋ tötenşe jaǧdai oryn alǧan jerge jetu uaqytyn qysqartu mındetı qoiyldy. Atap aitqanda, qala ışınde būl körsetkıştı 5–7 minutqa deiın, al ırı eldı mekenderden tys jerlerde 15–20 minutqa deiın jetkızu közdelıp otyr.
Şeneunıkter memleket basşysyna aldaǧy kezeŋge arnalǧan josparlaryn da tanystyrdy. Atap aitqanda, halqynyŋ sany 250 myŋnan asatyn qalalar men audandardaǧy 25 ört söndıru-qūtqaru bölımın zamanaui tehnikamen jabdyqtau, kürdelı jaǧdailarda jūmys ıstei alatyn mamandandyrylǧan «Madad» ortalyǧyn qūru, sondai-aq aviasiialyq-qūtqaru bölımşesı men tötenşe jaǧdailardy basqaru jönındegı ǧylymi-zertteu ortalyǧyn aşu josparlanǧan.
Būdan bölek, «112» bıryŋǧai dispetcherlık qyzmetınıŋ jūmysyn jetıldıruge jäne azamattardyŋ ötınışterın öŋdeu üderısıne erekşe köŋıl bölındı. Atap aitqanda, sifrlyq tehnologiialar men jasandy intellektını keŋınen qoldanu qajettıgı atap ötıldı.
