Memleket basşysy Qasym-Jomart Toqaev aldaǧy jeksenbıde ötetın jaŋa bırpalataly Qūryltaidyŋ alǧaşqy sailauy qarsaŋynda qazaqstandyqtarǧa ündeu joldady, dep habarlaidy «Adyrna» tılşısı.
Prezident nauqandy el taǧdyryna tıkelei äser etetın tarihi oqiǧa dep atap, onyŋ Qazaqstannyŋ saiasi damuyndaǧy jaŋa kezeŋge jol aşatynyn aitty.
«Būl – ūlt taǧdyryna tıkelei äser etetın tarihi oqiǧa. Elımız soŋǧy jyldary auqymdy reformalardy jüzege asyryp, jarqyn bolaşaqqa batyl qadam basyp keledı. Bız bırlık pen kelısımnıŋ jäne yntymaqtyŋ arqasynda Ädılettı Qazaqstandy qūru ısınde zor jetıstıkke jettık. Halyq Konstitusiiasy küşıne endı, elımızdıŋ damu baǧdary özgerdı. Degenmen, atqaratyn jūmys älı de köp.
Būl sailau halqymyzdyŋ igılıgıne qyzmet etetın tyŋ reformalarǧa bastau bolyp, qazırgı Qazaqstan jylnamasyndaǧy jaŋa kezeŋge jol aşady»,–dedı ol.
Qasym-Jomart Toqaev partiialardyŋ sailauǧa jan-jaqty daiyndaluy üşın onyŋ ötetın uaqyty aldyn ala jariialanǧanyn eske saldy.
«Qūryltaidyŋ alǧaşqy sailau nauqany mazmūndy, aşyq, bäsekege toly ärı örkeniettı sipatta öttı. El azamattarynyŋ sailau turaly pıkırı osyndai boldy. Būl sailau el tarihyndaǧy eŋ tartysty nauqandardyŋ bırı retınde este qalatyny anyq. Partiialar sailauşylarmen kezdesu kezınde, sondai-aq aqparattaǧy ügıt-nasihat, jalpyūlttyq teledebattar, äleumettık jelıdegı pıkırtalastar barysynda öz baǧdarlamalaryn keŋınen ärı däiektı türde tanystyrdy.
Bır sözben, azamattarymyz partiialardyŋ el bolaşaǧyna qatysty ūstanymyn mūqiiat zerdeleuge mümkındık aldy. Saiasi ūiymdardyŋ ekonomikadan bastap mädeniet salasyna deiın qamtyǧan bastamalaryn baǧalap-baǧamdady»,–dedı prezident.
Ol jaŋa organ qūramyna käsıbi mamandar men otanşyl azamattar sailanatynyna senım bıldırdı.
Prezidenttıŋ pıkırınşe, būl sailau Qazaqstan tarihyndaǧy jaŋa kezeŋnıŋ bastauyna ainalmaq.
«Adamdar köp jaǧdaida qabyldanǧan maŋyzdy şeşımderdıŋ şynaiy qūndylyǧyn jyldar ötken soŋ ǧana tüsınedı. Aldaǧy jeksenbı el taǧdyry üşın däl osyndai betbūrysty sät bolady. Bız Qazaqstan tarihyndaǧy jaŋa kezeŋge qadam basamyz. Osyndai taǧdyrşeştı sätte är adamnyŋ dauysy maŋyzdy ekenı sözsız»,–dedı memleket basşysy.
