Tanymal ánshi Dımash Qudaıbergen qazaqstandyqtardy ınternet alaıaqtardan saq bolýǵa shaqyryp, úndeý joldady. Bul týraly ol Instagram paraqshasynda jazdy, dep habarlaıdy “Adyrna” ulttyq portaly.
Ánshiniń aıtýynsha, alaıaqtar ánshiniń atyn jamylyp, áleýmettik jelini óz maqsattaryna qoldanyp júr.
«Assalaýmaǵaleıkým, qurmetti dostar! Bul beınetaspany jazýdaǵy maqsatym – ınternet jelisinde, Facebook-te meniń atymnan ashylǵan túrli paraqshalar halyqqa jáne maǵan zııanyn tıgize bastady. Jalpy men eshqashanda aqsha suraıtyn oıyndar ótkizben emespin. Tyńdarmandarym bile jatar, qatelespesem tikeleı efırdiń ózine 3-4 ret qana shyqqam. Aldaǵy shyǵarmashylyq jańalyqtarmen bólisý úshin. Sony skrınshotqa túsirip alyp, ózderiniń alaıaqtyq áreketterin júzege asyrý maqsatynda Dımash Qudaıbergen bolyp Facebook-te jalǵan paraqshalar ashyp alyp, halyqpen tildesip otyrǵan fotomdy qoıyp qoıǵan. Sol arqyly lotereıa sııaqty túrli oıyndar ótkizip jatqan sııaqty etip kórsetkisi kelip jatyr», – dep jazdy Dımash Qudaıbergen Instagram paraqshasynda.
Sondaı-aq, ol barsha halyqty jalǵan aqparatqa senbeýge shaqyrdy.
«Ondaıǵa eshqashan senbeńizder, men oıyndar uıymdastyrǵan emespin. Onyń maǵan qajeti de joq, sol sebepten aldanyp qalmańyzdar. Eskertý, aıtý maqsatynda osy vıdeony túsirip jatyrmyn. Eshqashanda ınternet arqyly eshkimge aqsha jibermeńizder», - deıdi ol.
