Óz áıelin óltirdi dep sotqa tartylǵan Qýandyq Bıshimbaevtyń jáne onyń týystarynyń múlkin tárkileýdi talap etetin petıııa jarııalandy, dep habarlaıdy “Adyrna” ulttyq portaly.
“Biz birgemiz” konsýltatıvtik-sıtýaııalyq ortalyqtyń bastaýymen Bıshimbaevtardyń tabysyn tekserip, múlkin tárkileý usynyldy. Belsendiler jaǵdaıǵa prezıdenttiń aralasýyn suraıdy.
“Ýákiletti organdarǵa nusqaý berip, otbasynyń barlyq múlkine jedel tekserý júrgizý qajet. Asa qatygezdikpen kisi óltirdi degen kúdikpen qazir sotqa tartylǵan Bıshimbaev buryn mınıstr bolyp jumys istegen kezinde sybaılas jemqorlyq qylmystary úshin sottalǵanyn bilemiz. Ashyq derekkózderden belgili bolǵandaı, jemqor sheneýniktiń anasy áli kúnge deıin ártúrli kompanııalarda iri bıznes aktıvterine ıe. Bul sottalǵan jemqor sheneýniktiń úkimdi oryndaýdan jáne múlkin tárkileýden jaltaryp úlgergenin kórsetedi”, – delingen petıııada.
Olar Álmıra Nurlybekovanyń 2005-2016 jyldary ıelengen aktıvteriniń zańdylyǵyna kúmánmen qaraıdy. Úı sharýasynda bolǵan anasynyń, ustazdyqpen aınalysqan ákesi Ýálıhan Bıshimbaevtyń mundaı baılyǵynyń bolýy senimsiz deıdi olar.
“Bıshimbaev óz baılyǵynyń múmkindikterin sheksiz paıdalanyp jatyr. Ony qorǵaıtyn advokattardyń sany onnan asty. Olardyń arasynda tergeý anyqtaǵan aıǵaqtardy burmalaǵysy kelgender de boldy. Atalǵan zańgerler Núkenovter otbasynyń sezimin, jalpy adamzattyq qundylyqtardy asyra siltep, Núkenovanyń obrazyn jaman etip kórsetip, sadıstik qylmys jasady degen kúdikke ilingen adamdy aq etip shyǵarýǵa umytyp otyr” – dedi belsendiler.
Petıııa avtorlary Bıshimbaevtyń múlkin tárkileýge qatysty buryn shyǵarylǵan úkim tolyq oryndalýyn talap etti. Talaptar elenbegen jaǵdaıda jalpyhalyqtyq narazylyq akııalaryn ótkizýge jáne mıtıngige shyǵýǵa quqyly ekenderin eskertti.
Petıııaǵa 61 myńnan astam adam qol qoıǵan.
Aıta keteıik, búgin Bıshimbaev isi boıynsha 3-sot otyrysy ótip jatyr. Sýdıa Bıshimbaevtan sot barysynda jaýap alýǵa ruqsat berdi. Eks-mınıstr, knshirim surady, biraq kinásin moıyndamady.
