Ishki ister mınıstri Marat Ahmetjanov Nurlan Másimovtiń isi boıynsha Pavlodar oblysy PD bastyǵynyń burynǵy orynbasary men birneshe kásipker ustalǵanyn aıtty, dep habarlady “Adyrna” ulttyq portaly.
«Pavlodar oblysynda burynǵy basshynyń qatysy bar – Polıııa departamentiniń basshysy men onyń orynbasary, olar bıýdjet qarajatyn jymqyrdy degen kúdikke ilindi. Olar tergeý derekteri boıynsha materıaldyq-tehnıkalyq quraldardy satyp alýdy asyra baǵalaǵan. Sonymen qatar, sot sankııasymen ustalǵandar bar. Osy tehnıkany jetkizý úshin sóz baılasyp júrgen birqatar kásipkerler qamaýǵa alyndy», – dedi Ahmetjanov.
Sondaı-aq, ol joǵary laýazymdy tulǵalarmen sóz baılasý arqyly polıııaǵa qural-jabdyq jetkizip, qylmystyq qýdalaý orbıtasyna shyǵyp, sot sankııasymen qamaýǵa alynǵan kásipkerler týraly da aıtty. Qazir tergeý júrip jatyr. Ol sybaılas jemqorlyq faktileri respýblıkanyń basqa óńirlerinde de anyqtalǵanyn aıtty.
Sáýir aıynyń basynda sybaılas jemqorlyqqa qarsy qyzmet Pavlodar oblysy boıynsha PD bastyǵynyń orynbasarynyń ustalǵanyn habarlady. Sotqa deıingi tergep-tekserý QR Qylmystyq kodeksiniń 189-babynyń 4-bóligi (Basqanyń senip tapsyrylǵan bótenniń múlkin ıemdenip alý nemese ıemdený) boıynsha júrgizilýde. Osy bap boıynsha kináliler 7 jyldan 12 jylǵa deıin bas bostandyǵynan aıyrylýy múmkin.
Aıta ketsek, 22 sáýirde Nurlan Másimov asa iri kólemde para aldy degen kúdikke ilindi. Sot ony qamaýǵa alýǵa sankııa berip, izdeý jarııalandy.
”Adyrna” ulttyq portaly
