Qaraǵandy oblysy aýmaǵyndaǵy Shet aýdanynda tótenshe jaǵdaı jarııalandy, dep habarlaıdy "Adyrna" tilshisi.
Turǵyn úılerdi sý basý qaýpi bar alty jaǵdaı tirkelgen. Tirkelgen jaǵdaıdyń úsheýi Shet aýdanyndaǵy úsh eldi mekende oryn alǵan.
Sý basqan úılerden 292 adam, onyń ishinde 114 bala evakýaııalanǵan.
"Aýdandaǵy sý tasqyny jaǵdaıy áli de kúrdeli bolyp otyr. Sonymen qatar tasqyn sý ınjenerlik jelilerge zaqym keltirmedi, eldi mekendermen baılanys úzilgen joq. Meniń sheshimimmen aýdanda tótenshe jaǵdaı jarııalandy. Turǵyndarǵa shyǵyndy esepteıtin arnaıy komıssııa quryldy. Senim telefony 8 (710 31) 21-3-04, 21-5-09 jumys isteıdi", - dep málimdedi aýdan ákimi Muhıt Muhtarov.
