Maŋǧystau oblysynda teŋız jaǧalauynan 40 itbalyqtyŋ ölı denesı tabyldy, - dep habarlaidy "Adyrna" ūlttyq portaly.
«Dauyldan keiın bızdıŋ mamandar laqtyrylǧan ölekselerdı ızdeu üşın ünemı teŋız jaǧalauyn baqylap otyrady. Olar basqa jerde ölıp qalǧan, sebepterın medisinalyq saraptama anyqtaidy. Közderı ölgennen keiın zaqymdalǧan boluy mümkın. Olardy qūstar ölgen januarlardyŋ arasynan jūlyp äketıp, jemtık qylady», - deidı Maŋǧystau oblysy boiynşa balyq inspeksiiasy basşysynyŋ mındetın atqaruşy Andrei Ruskii.
Soŋǧy üş künnen berı Kaspii teŋızınde dauyl damyldamai tūr. Äleumettık jelıde közderı zaqymdalǧan itbalyqtardyŋ fotosy paida boldy. 29 nauryzda Tüpqaraǧan öŋırındegı Urdiuk müiısı men Bautinskaia şūŋqyrynyŋ aralyǧyndaǧy jaǧalaudan 40 itbalyqtyŋ öleksesı tabyldy.
Mamandardyŋ aldyn ala tekseruınen keiın ölekselerden dene jaraqattary, azaptau nemese zorlyq-zombylyqpen öltıru belgılerı tabylmady, deidı mamandar.
Ūqsas jaŋalyqtar
