18-20 mausym aralyǧynda «Kaspii» tauar birjasy» AQ delegasiiasy Norvegiia astanasy Osloda ötken Europalyq Energetikalyq birjalar qauymdastyǧy (Europex) Bas Assambleiasyna qatysty.
Is-şara bır alaŋda EUROPEX müşelerı – 33 europalyq birja basşylaryn, europalyqretteuşılerdıŋ, Europalyq komissiiasynyŋ ökılderın, energetika, klimat jäne birjalyq infraqūrylym salasyndaǧy taldauşylar men sarapşylardy bırıktırdı.
Assambleia barysynda qauymdastyq töraǧasyn, Direktorlar keŋesınıŋ müşelerın jäne elektr energiiasy, gaz, ekologiialyq jäne qarjy naryqtary boiynşa beiındı jūmys toptarynyŋ basşylaryn sailau öttı. Sondai-aq naryqty integrasiialau, sifrlyq transformasiia jäne kiberqauıpsızdık bastamalary talqylandy.
Assambleianyŋ plenarlyq otyrysynda «Kaspii» birjasynyŋ prezidentı Mūrat Qadisov Qazaqstan Respublikasyndaǧy birjalyq sauda täjıribesın, sondai-aq «Kaspii» jäne EUROPEX birjalarynyŋ ūzaq merzımdı yntymaqtastyq strategiiasyn ūsyndy. Qazırgı uaqytta «Kaspii» tauar birjasy 2024 jyldan bastap Ortalyq Aziia elderınen EUROPEX-tıŋ alǧaşqy qauymdastyrylǧan müşesı bolyp tabylady. Būl Qazaqstannyŋ dekarbonizasiia, energetikalyq jäne tauar naryqtaryn damytu, sifrlandyru jäne ESG mäselelerı boiynşa halyqaralyq dialogtyŋ belsendı qatysuşysy retındegı rölı joǧary baǧalanatynyn körsetedı.
«EUROPEX özın Europanyŋ energetikalyq birjalary men infraqūrylymdyq ūiymdaryn bırıktıretın, tūraqty damudy qamtamasyz etu üşın negızgı mäseleler boiynşa bırtūtas ūstanymdy qalyptastyratyn quatty platforma retınde körsettı. Qazaqstan üşın Assambleiaǧa qatysu – būl öz täjıribesın ūsynyp qana qoimai, europalyq sala köşbasşylarymen strategiialyq ärıptestık qūru mümkındıgı. «Kaspii» birjasy Qazaqstan Respublikasy jäne Europanyŋ birjalyq infraqūrylymy men retteuşı organdarynyŋ ökılderı arasyndaǧy dialog üşın jaǧdai jasauǧa niettı», — dep atap öttı «Kaspii» tauar birjasy» AQ prezidentı Mūrat Qadisov.
Özara ıs-qimyldyŋ būl formaty Qazaqstan üşın strategiialyq perspektivalardyŋ tūtas spektrın aşady. Būl, eŋ aldymen, transşekaralyq CO₂ kvota saudasyn qūratyn europalyq serıktestermen täjıribe almasu arqyly ūlttyq kömırtegı naryǧyn nyǧaitu.
Serıktestıktıŋ negızgı baǧyttarynyŋ bırı sifrlyq jäne kliringtık şeşımderdı qosa alǧanda, tauar birjalarynyŋ infraqūrylymyn damytuda, sondai-aq ämbebap normativtık-qūqyqtyq bazalyq kelısımşarttyq standarttardy qalyptastyruda eleulı äleuet bolyp tabylady – būl äsırese Ortalyq Aziiada öŋırlık tauar-şikızat naryǧyn qūru üşın özektı.
Būdan basqa, Qazaqstannyŋ salalyq erejeler aiqyndalatyn deŋgeide boluy europalyq investorlar men serıktester tarapynan senımdı nyǧaituǧa yqpal etedı, sondai-aq özara ıs-qimyldyŋ qosymşa diplomatiialyq jäne institusionaldyq arnalaryn jasaidy.
Assambleiamen bırge jüretın diplomattar men sarapşylardyŋ saparlary Qazaqstan Respublikasy men Norvegiia Koroldıgı arasyndaǧy memleketaralyq yntymaqtastyqty keŋeitudı qosa alǧanda, Europalyq birjalarmen jäne retteuşı organdarmen ekıjaqty kelısımder jasasu üşın berık negız qūrdy.
Mūnyŋ bärı Qazaqstan Respublikasy Prezidentınıŋ kömırtegı jäne tauar naryqtaryn damytu, qazırgı zamanǧy naryqtyq instituttardy qūru jäne eldı ornyqty ekonomikalyq ösu men integrasiianyŋ öŋırlık ortalyǧy retınde ılgerıletu jönındegı basymdyqtaryna tıkelei säikes keledı.
«Kaspii» tauar birjasy» AQ – mūnai önımderın, kömır men sementtı qosa alǧanda, tauarlardyŋ keŋ spektrımen sauda jasauǧa mamandanǧan Qazaqstannyŋ jetekşı birjalyq alaŋy. «Kaspii» tauar birjasy» AQ energetikalyq birjalardyŋ europalyq qauymdastyǧyna (EUROPEX) qauymdastyrylǧan müşe retınde kıredı. S&P Global halyqaralyq reiting agenttıgınıŋ eŋ joǧary ESG-baǧasyna ie.
BŪŪ Jahandyq şartynyŋ tolyqqandy qatysuşysy bolǧan TMD aumaǧyndaǧy alǧaşqy birjalyq alaŋ. Sondai-aq, «Kaspii» KASE Qazaqstan qor birjasynyŋ resmi listingıne engızılgen eldegı jalǧyz tauar birjasy.
