Óńirlerde sý tasqynyna qarsy is-sharalar belsendi jalǵasyp jatyr. Bul týraly Tótenshe jaǵdaılar mınıstrliginiń baspasóz qyzmeti aıtty, dep habarlaıdy «Adyrna» tilshisi.
TMJ 1,7 mln astam tekshe metr erigen sýdyń sorylyp, 82 myńnan astam qap pen 20 183 tonna ınertti materıal tóselgenin atap ótti.
«Avarııalyq-qutqarý jumystaryna jeke quramynan 6 200-den astam adam, 1600-ge jýyq birlik tehnıka, 630-ǵa jýyq sý aıdaý jáne júzý quraly, TJM, QM, UQK 6 áýe kemesi jumyldyryldy.
Jumyldyrylǵan kúshter men quraldar Aqtóbe, Aqmola, Qostanaı, Batys Qazaqstan oblystaryndaǵy 313 jeke turǵyn úıden, sondaı-aq Aqtóbe, Aqmola, Qostanaı, Batys-Qazaqstan oblystaryndaǵy 369 aýla aýmaǵynan, Aqtóbe oblysynyń 10 saıajaı úılerinen sý sorý jumystary júrgizýde»,—delingen habarlamada.
Mınıstrliktiń málimdeýinshe, Túrkistan, Aqtóbe, Qostanaı, Batys Qazaqstan oblystarynyń sý basqan eldi mekenderinen 2 054 adam evakýaııalanǵan, olardyń 613-i bala.
Aıta keteıik, respýblıkalyq jáne oblystyq jedel shtabtar, sondaı-aq «Jedel jeli» telefondary jumysyn jalǵastyrýda: TJM 8 717 2 70 41 14, Aqtóbe oblysy TJD 8 713 2 54 86 57, Batys Qazaqstan oblysy TJD 8 711 2 55 40 88, Qostanaı oblysy TJD 8 714 2 50 19 60, Aqmola oblysy TJD 8 716 2 52 55 14.
