"AMANAT" partiiasy QR Parlamentı mäjılısınıŋ deputattyǧyn jäne bırmandatty okrugter boiynşa ūsynylatyn ümıtkerler tızımın jariialady. Arasynda aitysker aqyn Rinat Zaitov ta bar. Ol ne sebepten "Amanat"-tyŋ atynan sailauǧa tüskenın tüsındırdı, dep habarlaidy "Adyrna" ūlttyq portaly.
Ömır joly şynymen būralaŋ-au... Däl men Amanat partiiasynyŋ qūramynda bolady dep sızderdıŋ müldem oilamaǧandaryŋyz aitpasa da tüsınıktı. "Būl qalai bolyp kettı?"- degen sūraqtaryŋyzǧa bırınşı özım jauap bereiın. Osy sailauǧa deiın türlı jerde eldıŋ sözın söiletetın bolsa, kez-kelgen mümkındıkten bas tartpaitynymdy aityp jürgenımdı aŋǧarǧan şyǧarsyzdar?. Sol mümkındıktıŋ ülkenı osy "Amanat". Köŋılımdegı künnen künge söne bastaǧan ümıt qaita tūtandy. Sebebı osy uaqytqa deiın öz basym aty men zatynan aulaq jürgen partiia äuelı atyn özgertkende kümänmen qabyldap edım. Bügın sol "Amanat" partiiasy Qazaqstan memleketıne oŋdy özgerıs jasaǧysy keletının közıme körsettı. Qūramyn 75% jaŋartqan partiiada: Erlan Saiyrov, Amanjol Ältai sekıldı aǧalarymdy Ashat Aimaǧambetov, Maqsat Tolyqbai, Nartai Aralbaidai zamandas-bauyrlarymdy kördım. Būl degenımız, Erlan Jaqanūly Qoşanovtyŋ jaŋaşa ıske kırısuge jäne jaŋa saiasi mädeniet qalyptastyruǧa daiyn ekenın bıldıredı. Özıme de sol özgerıske qatysudyŋ sätın tudyrdy.Keiıngı sözın aitysker aqyn aŋsaǧan armandaryn aşyq aitumen jalǧastyrdy.
- Nege tartynuym kerek? İia, men öz otanymnyŋ ädılettı, tūraqty, bır tıldı, bır müddelı şynymen zaiyrly memleket bolǧanyn armandaimyn. Sol üşın de maǧan būl- öz oilarymdy tiıstı jerge jetkızuge aparatyn töte jol. Endeşe odan qūr qyrsyqtyqpen bas tartu aqyldynyŋ ısı emes. Eŋ bastysy, mäjılıs mınberınen oiymdy jetkızu. Endıgı mındet partiianyŋ ǧana emes, memlekettıŋ de keleşek jūmystaryna bılgenımnıŋ şeŋberınde üles qosu. Basqasynyŋ bärı jai söz! Bız- Amanatqa özgeru üşın emes, özgertu üşın keldık. Ony özderıŋız de tüsınıp tūrsyzdar. Jaratuşy jar bolyp, el qoldasa bolǧany. Nartäuekel! - dedı Riat Zaitov.
"Adyrna" ūlttyq portaly
Ūqsas jaŋalyqtar
