Batys Qazaqstan oblysynyŋ ortalyǧy Oral qalasynyŋ äkımı Meiırjan Satqanovqa su tasqynyna bailanysty qataŋ sögıs jariialandy. Mūndai şeşımdı oblys basşysy Nariman Töreǧaliev qabyldady, - dep habarlaidy "Adyrna" ūlttyq portaly.
Su tasqynyna qarsy ıs-şaralar jönındegı oblystyq jedel ştab otyrysynda Töreǧaliev qala bilıgınıŋ tabiǧi apatqa daiyn emestıgın basa aitty.
«Sız su tasqynyna daiyn bolmadyŋyz. Tıptı, qala äkımdıgınıŋ ǧimaraty da suǧa astynda qaldy. Mūnyŋ bärı jauapsyzdyqty körsetedı. Keşe-bügın qalany aralap jürmın, keibır şaǧyn audandarda men kelgende jūmys endı ǧana bastalyp jatyr. (...) Qala men audandar küşeitılgen rejimde jūmys ısteuı kerek. Jaǧdaidy täulık boiy baqylauda ūstaŋyzdar», - dedı oblys äkımı.
26 nauryzda Oralda qatty jaŋbyr bastaldy, sinoptikterdıŋ boljauynşa, ol bırneşe künge sozylady. Erıgen qar suy jäne jaŋbyr suy tek şet aimaqtardy ǧana emes, ortalyqty, atap aitqanda, äkımdık ǧimaratyn basyp qaldy.
Kärız qūbyrlaryn erıgen qar suy basyp qalǧandyqtan, qala tūrǧyndaryna auyz su beruge şekteu qoiylatyny turaly da eskertıldı.
Oral aptalyǧy jazǧandai, Batys Qazaqstan oblysynda qazır tek äkımşılık ortalyqty ǧana emes, şaǧyn eldı mekender de suǧa batyp jatyr. Onyŋ üstıne ondaǧy jaǧdai «saǧat saiyn kürdelene tüsude». Terektı, Qaratöbe, Kaztalov audandaryndaǧy auyldarǧa erıgen qar suy kelude. Tötenşe jaǧdailar qyzmetkerlerı sol jerden tūrǧyndar men maldardy evakuasiialauda.
Ūqsas jaŋalyqtar
