«QazMunaıGaz» AQ basqarma tóraǵasy Maǵzum Myrzaǵalıev pen Energetıka vıe-mınıstri Jandos Nurmaǵanbetov MAEK-tegi apattan keıin sógis alady. Bul týraly Premer-Mınıstr Álıhan Smaıylov Memleket basshysy Qasym-Jomart Toqaevqa aıtty, - dep habarlaıdy "Adyrna" tilshisi Aqordanyń baspasóz qyzmetine silteme jasap.
Smaıylov elimizdiń bıylǵy 6 aıdaǵy áleýmettik-ekonomıkalyq damý qorytyndysy, sondaı-aq Mańǵystaý atom energetıkalyq kombınatynda (MAEK) jáne Atyraý munaı óńdeý zaýytynda (AMÓZ) bolǵan apattardyń sebepterin tekserý nátıjeleri jóninde baıandady.
Smaıylovtyń aıtýynsha, batys óńirindegi energetıkalyq júıeniń jaı-kúıin keńeıtilgen taldaý nátıjesinde energetıka kásiporyndarynyń jumysynda birqatar júıeli kemshilikter anyqtalǵan. Sonymen qatar, Energetıka mınıstrligi, «KEGOC» AQ, «MAEK» JShS jáne «QazMunaıGaz» UK» AQ jumysynda olqylyqtar anyqtaldy.
«QazMunaıGaz» AQ basqarma tóraǵasy Maǵzum Myrzaǵalıevke munaı óńdeý zaýytynyń qaýipsiz jáne turaqty jumysyn qamtamasyz etý boıynsha sharalardy ýaqtyly oryndamaǵany úshin sógis jarııalanady.
Sonymen qatar, batys energetıkalyq habynyń qaýipsizdigine baqylaýdy álsiretkeni úshin Energetıka vıe-mınıstri Jandos Nurmaǵanbetovke sógis berý týraly sheshim qabyldandy. Sondaı-aq «MAEK» JShS, «Atyraý munaı óńdeý zaýyty», «KEGOC» AQ birqatar basshylary men laýazymdy tulǵalaryna qatysty ákimshilik sharalar qoldanylady, delingen habarlamada.
Sonymen qatar, mundaı daǵdarys jaǵdaılaryna jol bermeý úshin Mańǵystaý atom energetıkalyq kombınatyna jańǵyrtý jáne kúrdeli jóndeý júrgizý, batys energetıkalyq aımaǵyn kúsheıtý, Atyraý munaı óńdeý zaýytyn syrtqy elektr qýatymen turaqty qamtamasyz etý jáne sol jerde ózin-ózi energııamen qamtamasyz etetin stansa salý, batys aımaǵyn Qazaqstannyń biryńǵaı elektrenergetıkalyq júıesine qosý jumystaryn jáne basqa da birqatar shuǵyl jáne júıeli sharalardy júzege asyrady.
Memleket basshysyna vegetaııalyq kezeńi sý tapshylyǵy jaǵdaıynda ótip jatqan ońtústik óńirlerdi sýmen qamtamasyz etý máselesi týraly málimet berildi. Osyǵan baılanysty Úkimet pen jergilikti atqarýshy organdar qajetti sharalar qabyldap jatyr. Atap aıtqanda, sýmen qamtamasyz etý úshin sýarmaly aýyl sharýashylyǵy daqyldarynyń qaısysyna basymdyq beriletini anyqtalady, sýaınalym ádisi qoldanylady. Budan bólek, sý únemdeý tehnologııasyn engizý jumystary belsendi júzege asyrylýda. Arnalardaǵy sý shyǵynyn azaıtý jáne jınaqtalatyn sý mólsherin kóbeıtý úshin gıdrotehnıkalyq qurylystarǵa kúrdeli jóndeý jumystary júrgizilip jatyr.
Aıta keteıik, bul Myrzaǵalıevke berilgen ekinshi sógis. «QazMunaıGazdyń» birinshi basshysy 2022 jyldyń tamyzynda dızeldik otynmen qamtamasyz etý boıynsha der kezinde shara qoldanbaǵany úshin sógis alǵan bolatyn. Odan keıin komıssııa otandyq munaı bazalarynyń dızel otynyn bólshek qunynan joǵary baǵaǵa satý faktilerin tirkedi, bul óńirlerde janarmaı satý kóleminiń tómendeýine ákeldi, óıtkeni ony satyp alý janarmaı quıý stanııalary úshin tıimsiz boldy. Sonymen qatar, «QazMunaıGaz», «Petrosýn» jáne munaı óńdeý zaýyttarynyń generaııa, marketıng jáne logıstıka salasyndaǵy júıelik olqylyqtar men kemshilikter anyqtaldy.
Myrzaǵalıevpen birge osy jyldyń sáýir aıynda qyzmetinen bosatylǵan Energetıka vıe-mınıstri Áset Maǵaýovqa sógis jarııalandy.
"Adyrna" ulttyq portaly
