Ózbekstan halqyna sý tasqyny týraly eskertý jasaldy, dep habarlaıdy "Adyrna" tilshisi centralasia.news-qa siltep.
Sınoptıkter Ózbekstannyń toǵyz oblysynda laı kóshkini men sý tasqyny bolýy múmkin dep ekenin aıtady. Aldyn ala boljam boıynsha 12-15 sáýir aralyǵynda respýblıkanyń taýly jáne qala mańyndaǵy aýdandarynda qatty jańbyr jaýyp, jel 15-20 m/s kúsheıedi.
Mamandar Qashqadarııa, Sýrhandarııa, Samarqand, Navoı, Djızah, Tashkent, Namangan, Ferǵana jáne Ándijan qalalarynda aýa raıynyń qolaısyzdyǵynan sel júrýi múmkin ekenin boljady.
Odan bólek, Ózgıdromet mamandary eldegi ortasha temperatýra jyl saıyn 1,5 %-ǵa kóteriletinin atap ótti. Osyǵan baılanysty sý tasqyny men sel bolý yqtımaldyǵy artady.
Eske sala keteıik, 2021 jyly Namangan oblysynda selden segiz adam qaza tapsa, 2022 jyly Djızah oblysynda bes adam seldiń qurbany boldy.
