Oral qalasynyń ákimi qyzmetten ketti, dep habarlaıdy "Adyrna" ulttyq portaly.
Mırjan Satqanov óz erkimen qyzmetinen qyzmetinen ketkenin jelidegi paraqshasynda jazdy.
"Densaýlyǵyma baılanysty budan da erterek zeınetke shyǵýym kerek edi. Alaıda qala qıyn jaǵdaıda qaldy. Kóktemgi sý tasqyny qala turǵyndaryn tabıǵı apatqa qarsy biriktirdi. Qala úshin osyndaı qıyn-qystaý kezeńde men de jumystan shyǵa almaı, áriptesterimmen ıyq tirestire otyryp, óz mindetimdi atqara berdim", – dep jazdy Mırjan Satqanov Facebook paraqshasynda.
Oraldyń eks-ákimi jańa basshyǵa úmit artatynyn aıtty.
"Qazir barlyq salada jumys jolǵa qoıyldy, men qalanyń jańa basshysy ózekti máselelerdi tez túsinip, aldaǵy ýaqytta Oral úshin jańa jobalarǵa bastamashy bolatynyna senimmen ákim qyzmetinen ketip jatyrmyn", – dedi Satqanov.
Mırjan Satqanov eki jyldan astam ýaqyt boıy Oral qalasynyń ákimi boldy.
