Jelide Túrkistan oblysy, Maqtaaral aýdanyndaǵy mektepterdiń birinde oqýshylarǵa ulttyq kıimderin sheshkizip, qysym kórsetken muǵalimniń vıdeosy tarady, dep habarlaıdy "Adyrna" ulttyq portaly Egov.press telegram arnasyna siltep.
Vıdeoda oqýshy qyz eńkildep jylap, muǵaliminiń synyptastarynyń kózinshe býllıng jasaǵanyn aıtady:
"Jańa dápter basta deıdi eken kúnde. Keshe ǵana bastadym ǵoı, qaıta-qaıta arnaı beremin be dese, "myna qyzdyń dápterge aqshasy joq eken, bári jabylyp aqsha jınap berińder" dep tómendetedi eken" deıdi vıdeo túsirgen ustaz.
Ol muǵalimge oqýshylardyń ulttyq kıimine tıispeýin surap, kıkiljiń shyǵarmaýdy ótinedi.
Bilim mınıstrligi qazir bul fakti boıynsha jaǵdaıdy jan-jaqty zerdeleý úshin Túrkistan oblysynyń bilim basqarmasy men bilim berý salasyndaǵy sapany qamtamasyz etý basqarmasynyń ókilderinen turatyn arnaıy komıssııa qurylǵanyn habarlady.
«Tekserý nátıjeleri boıynsha Qazaqstan Respýblıkasynyń qoldanystaǵy zańnamasy aıasynda tıisti sharalar qabyldanatyn bolady. Mektep oqýshysy pedagogıkalyq psıhologtardan qajetti psıhologııalyq qoldaý aldy. Bul oqıǵa QR Bilim mınıstrligi men jergilikti atqarýshy organdardyń baqylaýynda», - dep túsindirdi QR Parlamenti Májilisiniń baspasóz hatshysy Mereke Amangeldiqyzy.
Jelide taraǵan vıdeonyń astyna pikir qaldyrýshylar býllıng kórsetýshi muǵalimniń syrt kıimine narazylyqtaryn jazdy.
"Syrt kıimmen otyrǵany nesi? Muǵalim emes pe? Shalbar kıip alypty onyń ústine", "Naǵyz qajetti jas kadrlardy jumysqa alý kerek, aljıyn degen kisilerdi otyrǵyzyp qoıady qazir" deıdi komment qaldyrýshylar.
