Memleket basşysy Qasym-Jomart Kemelūly Toqaev öz Joldauynda: «Bala tärbiesı – asa maŋyzdy memlekettık ıs. Ärbır auyldyŋ mektebı qaladaǧy mektepten kem bolmauǧa tiıs» dep atap ötıp, sondai-aq «Üş auysymdy jäne apatty mektepterdıŋ sanyn azaitu – basty mındet» degen naqty tapsyrma bergen bolatyn.
Atalǧan tapsyrmalardyŋ jüielı jüzege asyryluy, «AMANAT» partiiasynyŋ sailaualdy baǧdarlamasynyŋ jüzege asuy nätijesınde audanymyzdaǧy eŋselı bılım ordasy Qaraözen mektep-liseiı kürdelı jöndeuden ötıp, mektep janyndaǧy internat ta tolyq jaŋaryp, zaman talabyna sai keiıpke enıp, paidalanuǧa berıldı.
Saltanatty ıs-şaraǧa Batys Qazaqstan oblysy äkımınıŋ orynbasary Qaiyrjan Mendıǧaliev, audan äkımı Aslanbek Sarqūlov, audandyq mäslihat töraǧasy Sarsenbai Moldaşev, audandyq mäslihat deputattary, ardager ūstazdar, bılım salasynyŋ qyzmetkerlerı jäne auyl tūrǧyndary qatysty.
Oblys äkımınıŋ orynbasary Qaiyrjan Ermekūly özınıŋ qūttyqtau sözınde öŋırde 6 mektep kürdelı jöndeuden ötkenın atap öttı.
— Memleket basşysy Qasym-Jomart Kemelūly Toqaev «Ädılettı Qazaqstan: zaŋ men tärtıp, ekonomikalyq ösım qoǧamdyq optimizm» atty Joldauynda elımızdegı 1300 mektepke kürdelı jöndeu jürgızu qajet degen bolatyn. Onyŋ ışınde, 2025 2027 jyldarǧa bızdıŋ oblysymyzda 86 mekteptıŋ kürdelı jöndeuı josparlanǧan bolatyn. Osy tapsyrmany oryndau maqsatynda biylǧy jyly oblysta 6 mektep kürdelı jöndeuden ötkızıldı, sonyŋ bırı Qaraözen mektep-liseiı. Jalpy Kaztalov audanynda soŋǧy 4 jylda 4 mektep kürdelı jöndeuden ötse, 5 jaŋa mektep paidalanuǧa berıldı. Jürgızılgen jūmystar bılım sapasynyŋ artuyna oŋ yqpalyn tigızetınıne senımdımın. Sonymen qatar kürdelı jöndeu jūmystary barysynda jaz ailarynda mektep janyndaǧy internatta tötenşe jaǧdai oryn alǧany barşaŋyzǧa belgılı. Atalǧan kemşılıktı joiudy merdıger, «Jaiyq Siti» jauapkerşılıgı şekteulı serıktestıgınıŋ basşysy Mereke Qonysbaiūly Moldaǧaliev öz qarajaty esebınen jürgızudı moinyna alǧan bolatyn. Bügıngı künı mektep internaty tolyǧymen qalypqa keltırıldı. Mıne, osyndai azamattarymyzdyŋ bary bızdı quantady. Osy oraida, oblys äkımı Nariman Töreǧaliūly jäne auyl tūrǧyndary atynan Mereke Qonysbaiūlyna alǧysymyzdy bıldıremız, — dedı ol.
Qaraözen mektep-liseiı 1978 jyly paidalanuǧa berılıp, 2025 jyly kürdelı jöndeuden ötkızıldı. Jöndeu jūmystarynyŋ nätijesınde mekteptıŋ materialdyq-tehnikalyq bazasy nyǧaiyp, oquşylar men pedagogter üşın zamanaui, qauıpsız ärı qolaily oqu ortasy qalyptastyryldy. Mektep-liseidıŋ jobalyq quattylyǧy 350 orynǧa eseptelgen. Qazırgı taŋda bılım beru ūiymynda 228 oquşy bılım aluda, onyŋ ışınde 14 bala mektepaldy daiarlyq synybynda tärbielenude. Oqu üderısın 44 bılıktı pedagog qamtamasyz etedı. Bılım sapasynyŋ körsetkışı 72 paiyzdy qūraidy. Bılım beru ūiymynda oqu prosesı ekı auysymda ūiymdastyrylǧan, synyp-komplekt sany – 16.
Auyl halqy da bılım ordasynyŋ jaŋa keiıpke enuın zor rizaşylyqpen qabyldady.
— Memleket basşysynyŋ bastamasymen jäne öŋır basşylyǧynyŋ qoldauymen audanymyzda auqymdy jūmystar jüielı türde jüzege asyryluda. Atalǧan mektep – audanymyzdaǧy ırgelı bılım beru oşaqtarynyŋ bırı. Kürdelı jöndeuden ötıp, zamanaui talaptarǧa sai tolyqtai jabdyqtaluy barşa auyl tūrǧyndarynyŋ köŋılınen şyqty. El bolaşaǧy üşın atqarylyp jatqan būl igı ıske ūiytqy bolǧan Qazaqstan Respublikasynyŋ Prezidentıne, oblys jäne audan äkımderıne auyl aqsaqaldary atynan şeksız alǧysymyzdy bıldıremız, — dedı Qaraözen auylynyŋ batagöi aqsaqaly Bolat Bekeşov.
