Efir tarlany. Qazaq ünınıŋ etalony

Bügın - Qazaq radiosynyŋ tanymal diktory, Halyq ärtısı Änuar­bek Baijanbaevtyŋ tuǧanyna 101 jyl toldy, dep habarlaidy "Adyrna" tılşısı. Ol 1923 jyly 26 nauryzda Semeide ömırge kelgen. Şyŋ­ǧys­taudyŋ bökterınde tuyp-ösken Änuarbek Nyǧmetjanūly dana Abaidyŋ auyldasy bolǧan. 1939-1941 jyldary Almatyda Kommu­nis­tık jurnalistika institutynda bılım alyp, 1941 jyly soǧys bas­tal­ǧanda alǧaşqylardyŋ bırı bolyp maidanǧa attanǧan. Alaida 1943 jyly aiaǧynan qatty jaraqat alyp, elge qaitqan. Keiınnen 1944 jyly Qazaq radiosyna diktorlyq qyz­met­ke qabyldanyp, ömırınıŋ soŋyna deiın osy salada qyzmet ettı. Maidan habarlaryn äue tol­qy­nynda oqyǧanda köŋılı tolqyp, keide tıptı közıne jas ta keletın Änuarbek Bai­jan­baev – 1945 jyly köp küttırgen Jeŋıs habaryn Levitannan keiın efirde qazaq tılınde alǧaş süiınşılegen diktor. Änuarbek Baijanbaev turaly ärıptesı Sauyq Jaqanova da pıkır bıldırgen.

"Änuarbek aǧamen Qazaq radiosynda bırge qyzmet ıstedık. Tabiǧatynan qarapa­iym, adal, sengış, aqköŋıl jan bolatyn. Aǧa ekeumız kezınde balalarǧa arnalǧan «Pioner serıgı» atty baǧdarlamany jür­gız­gen edık. Būl menıŋ sol kezdegı alǧaşqy baǧdarlamam bolatyn. Sol sebeptı habar barysynda köŋılım tolqyp, dausymnyŋ dırıldei bastaǧanyn sezgen Änekeŋ menı jıgerlendırıp, demeu körsetken. Änekeŋnıŋ qoldauymen namysyma tyrysyp, baǧdar­lamany ary qarai jürgızgenım älı esımde. Ūly bola tūra, ünemı kışıreiıp jüretın. Jüregı öte jūmsaq adam edı, ony men Äne­keŋnıŋ soǧys turaly habarlardy oqyǧa­nynan baiqadym. Qan maidannyŋ haba­ryn oqyǧanda tebırenıp, erekşe bır küige enetın. Dauysy qoiulau, qoŋyr dauys edı. Änekeŋnıŋ jūrtqa qamqorlyǧy, jana­şyrlyǧy erekşe bolatyn. Sol uaqytta elımızdıŋ tükpır-tükpırınen Änuarbek Baijanbaevqa arnaiy hattar aǧylyp kelıp jatatyn. Ol kezde jeŋıl kölık alu, balany oquǧa tüsıru degen qiyndau-tūǧyn. Sol se­bep­tı de ülken kısıler: «Qaraǧym Änuarbek, jinaǧan az-maz tiyn-tebenım bar edı. Sen anau Qonaevtyŋ janynda jüresıŋ, sol kısı­nıŋ sözın söileisıŋ, sözıŋ ötedı ǧoi, maşina aluǧa kömektesşı» nemese «balamdy oquǧa tüsırıp berşı» dep, türlı-türlı ötınışterın joldaityn, kömek sūrap aldyna keletın. Äne­­keŋ osy kısılerdıŋ  bırde-bıreuın kerı qai­­­tarǧan emes. Qolynan kelgenşe el-jūrt­­qa köme­gın berıp, qamqorlyq jasaityn. Bı­le­tınımdı osy Änekeŋnıŋ mektebınen üi­rend­ım. Sol kezderde bır ǧana radiomen bü­kıl qazaq dalasyna habar taratamyz. Künı-tünı radioda jürse de şarşaǧanyn körgen emes­pın. Maǧan aǧalyq qoldau bıldırıp jü­re­tın", - dedı diktor Sauyq Jaqanova.

Sauyq Jaqanovanyŋ sözınşe köpşılık Änuarbek Baijanbaevty "qazaqtyŋ Levitany" dese, kerısınşe Baijanbaev: "Sauyq, sen efirdıŋ Aqbaiany­syŋ" degen eken.