"QazMunaıGaz" UK" AQ basqarma basshylyǵy munaı óńdeý zaýyttarynyń satylýyna qatysty aqparatty joqqa shyǵardy, dep habarlaıdy "Adyrna" tilshisi.
"Búgin áleýmettik jelilerde jáne keıbir BAQ-ta Atyraý munaı óńdeý jáne Pavlodar munaı-hımııa zaýyttaryn jekeshelendirý josparlanyp otyrǵany týraly aqparat tarady. Bul aqparat shyndyqqa janaspaıtynyn resmı túrde málimdeımin", - dedi "QazMunaıGaz" UK" AQ basqarma tóraǵasynyń orynbasary Dmıtrıı Makeev.
Onyń aıtýynsha, "satylymǵa" qatysty kelissóz júrgizilgen emes. Qazir QMG munaı óńdeý zaýyttarynda barlyq óndiristik proess shtattyq rejımde júrip jatyr.
Aıta keteıik, BAQ betterinde aldaǵy eki jylda eki munaı óńdeý zaýytyn jekeshelendirý týraly sheshim qazirgi ýaqytta memlekettik organdarda kelisý rásiminen ótip jatqan "Ekonomıkany yryqtandyrý sharalary týraly" Qazaqstan prezıdenti jarlyǵynyń jobasynda qamtylǵany habarlanǵan bolatyn.
Májilis depýtaty Ermurat Bapı jelidegi paraqshasynda bul aqparatqa qatysty pikir bildirgen.
"Eki birdeı munaı óńdeý zaýytyn Reseı satyp alatyn bolsa, erteńgi kúnimiz Kremldiń qas-qabaǵynan týatyn sheshimge muqtaj bolyp qalmaı ma? Bul qandaı ekonomıkalyq saıasattan týǵan qısap? "QazMunaıGaz" ulttyq kompanııasy men Energetıka mınıstrligi, memlekettik múddemizge, ulttyq qaýipsizdigimizge adam aıtqysvz nuqsan keltiretin mundaı esýas saýda-sattyqqa jol berýge bolmaıdy! Aıtpady demeńizder, eger osy yqylas-ymyraǵa jol beriletin bolsa, biz qoǵamdy narazylyq akııasyna kóterýge májbúr bolamyz! Eldi talan-tarajǵa salýdy toqtatý kerek! Jetedi endi", - dep jazdy depýtat.
