Resei 1 mamyrdan bastap «Dostyq» mūnai qūbyry arqyly qazaq mūnaiyn Germaniiaǧa jetkızudı toqtatady. Būl turaly Resei prezidentınıŋ baspasöz hatşysy Dmitrii Peskov mälımdedı, dep habarlaidy «Adyrna» tılşısı TASS-qa sılteme jasap.
Ol mūndai şeşımdı «tehnikalyq mäselelermen» bailanystyrdy jäne «qazaqstandyq serıktesterımızdıŋ barlyq müddesı basqa baǧyttar arqyly qamtamasyz etıledı» dep uäde berdı.
Jetkızılımderdıŋ toqtatyluy turaly alǧaş bolyp Reuters agenttıgı habarlaǧan edı, bıraq şeşımnıŋ sebebı atalmaǧan. Keiın būl mälımettı Qazaqstannyŋ energetika ministrı Erlan Aqkenjenov beiresmi aqparatqa süiene otyryp rastady. Ministr mäsele infraqūrylymnyŋ zaqymdanuyna bailanysty boluy mümkın ekenın aityp, tehnikalyq mümkındık tuǧan boida tranzit qaita jalǧasatynyn jetkızdı.
Resei premer-ministrınıŋ orynbasary Aleksandr Novak Qazaqstan mūnaiy «basqa bos logistikalyq baǧyttarǧa» jöneltıletının mälımdedı. Ol köptegen el, sonyŋ ışınde Germaniia reseilık mūnai jetkızılımderınen bas tartqanyna ökınış bıldırıp, qūbyr arqyly aidau teŋızben eksporttauǧa qaraǧanda tiımdırek ekenın atap öttı.
