1930 jyly 25 nauryz künı Balqaş kölıne ırgeles, qazırgı Balqaş audanyna qarasty Baqaly jerınde Bärıbaev şarualar köterılısı boldy.
Keŋes ökımetınıŋ ūjymdastyru, jappai quǧyn-sürgın saiasaty men aşarşylyq qaupıne şydamaǧan jergılıktı şarualar ūiymdasqan qarsylyqqa şyqty.
Baqaly auyl tūrǧyndary Qūsmadi Ahmetjanov, Qūramys İbragimov, Jaqypbai Sauqymbaev 100-den astam adamdy ūiymdastyryp, körşı auyldarǧa ügıtşıler jıberdı. Köterılısşıler otriadqa bırıgıp, Baqaly kommunasyn basyp aldy, auyldyq keŋestı taratyp jıberdı.
Elden küşpen jinalǧan 100 pūt astyqty, 100 bas jylqyny, basqa da mal men mülıktı jūrtqa taratyp berdı. Almaty men Semeiden äsker küşın şaqyrtpau üşın köterılısşılerdıŋ arnaiy toby Balqaş jaǧyndaǧy telefon bailanysynyŋ symdaryn üzıp, temır jol tabanynyŋ alty buynyn bosatyp, alyp tastady. Myŋqūm degen jerdegı 10-auyldy basyp aldy. Köterılıs basşysy Q. Ahmetjanov Qytai şekarasynan ötıp ketken bosqyndarmen, Aqsu köterılısşılerımen bailanys jasap, bırlese qimyldauǧa tyrysty.
Bıraq äsker küşterı aldyn-ala şekarany nyǧaityp, oǧan jol bermedı. Şekaraşylar Qytai jaǧynan kömekke kelmek bolǧan qazaq otriadyn qolǧa tüsırdı. Bärıbaev audanyndaǧy köterılıs 1930 jyly säuırdıŋ bas kezınde OGPU-dıŋ 50 adamdyq qaruly jedel äskeri otriadynyŋ küşımen basyldy. Audanǧa arnaiy ükımet komissiiasy baryp, jaǧdaidy qalpyna keltıru şaralaryn qarastyrdy. Köterılıs basşylary Q. Ahmetjanov, J. Sauqymbaev az toppen Qytaiǧa ötıp ketuge äreket jasap, bıraq qolǧa tüstı. Bärıbaev audanyndaǧy köterılısıne belsendı qatynasqan 29 adam jauapqa tartylyp, onyŋ 12-sı OGPU “üştıgınıŋ” 1930 jyly 12 jeltoqsandaǧy ükımımen atylyp, 16 adam 3 jyldan 10 jylǧa deiın sottaldy, 1 adam 3 jylǧa Sıbırge jer audaryldy.
